• 瀏覽: 352
  • 回覆: 1
[隱藏]





立法會財務委員會(財委會)到今日(17日)仍然審議緊本年度公務員薪酬調整撥款,泛民主派繼續拉布,仲瘋狂提出規程問題,又提出中止待續,務求阻撓項目中嘅警隊加薪撥款。財委會主席陳健波(波哥)為免泛民議員「亂噏當秘笈」,於是要求提出規程問題嘅泛民議員要講清楚相關會議常規編號,結果就惹來泛民批評,質疑有冇規則要求議員必須提出常規編號,直指波哥變咗小學老師,形容財委會「依家小學呀?」
早前民主黨許智峯(峯鴿)已經根據《財務委員會會議程序》提出傳召議案,討論咗10幾個鐘都未完,泛民今日就喺會上提番日前中西區區議會會議上,民政事務專員喺區議員提出譴責警方嘅臨時動議後離場嘅事,批評公務員違反政治中立。不過,政府及公務員事務局局長羅智光就力撐民政事務專員,強調離場嘅做法合適,唔認為有違反守則,重申政府唔同意區議會嘅做法同立場。
眼見泛民又乘機拉布,波哥直斥泛民又發表政見,講明冇可能無限期咁畀議員講脫離議案範疇嘅嘢,點知就惹來連串規程問題。峯鴿鬧爆波哥收窄議員言論範圍,質疑點解唔可以發表政見,波哥鬧番轉頭話峯鴿連基本規矩都唔識,仲話主席可決定議員嘅發言內容係咪同議案相關。人民力量陳志全同公民黨譚文豪都有份助攻,陳志全質疑話「依家唔係常識小學問答比賽」,譚就離開自己個位,一度被波哥要求返回座位,否則會逐離場。
公民黨楊岳橋就質疑有冇議事規則禁止議員越位,仲形容係「陳健波釋法」,要求波哥澄清。波哥回應時就話已經做咗裁決,唔能夠因為楊唔了解議事程序而解釋,仲直斥「無知唔係大晒嘛,無知應該要增進知識」,如果議員認為佢有咩做錯就歡迎用其他方法跟進。泛民攻擊波哥期間,建制派都有出手解圍,其中工聯會麥美娟就批評泛民:「你哋講嘅嘢難聽過粗口呀!」
去到會議尾聲,峯鴿突然提出中止待續,又同陳志全鬧羅智光係「狗官」,羅提出抗議要求收回言論,最終兩人願意收回言論。惟直至完會,仍未處理峯鴿嘅議案。其實議案已經傾咗十幾廿個鐘,班泛民拉布嘅手法層出不窮,一個議案已經搞成咁,嚟緊仲有40幾項議案未審議,真係開足24小時都搞唔掂,唔怪得泛民被批評為政治挾持市民嘅福祉喇!
財委會淪為小學雞爭拗,泛民中西區區議員就喺外圍助攻,今午就民政專員帶領其他政府官員離場漠視議會的行動,向申訴專員公署投訴,批評有關官員違反公務員政治中立原則。

之前楊岳橋講得出「留案底會令人生變得更精彩」嘅時候就懷疑呢條友係咪真嘅大律師嚟啦,而家係立會表現得成個小學鷄咁,仲話要報名參加黎緊嘅新一屆立法會選舉,香港有啲咁嘅死得啦。

新聞來源連結:
https://hk.on.cc/hk/bkn/cnt/news/20200117/bkn-20200117130747973-0117_00822_001.html



熱賣及精選
引用:
原帖由 laohang 於 2020-1-18 05:53 PM 發表




?20200117230024

立法會財務委員會(財委會)到今日(17日)仍然審議緊本年度公務員薪酬調整撥款,泛民主派繼續拉布,仲瘋狂提出規程問題,又提出中止待續,務求阻撓項目中嘅警隊加薪撥款。財委會主席 ...
留案底會令人生變得更精彩?去睇精神
科啦!



回覆 引用 TOP

[按此隱藏 Google 建議的相符內容]