玩下潛艇Game都知道有時要上水吸收壓縮空氣。
潛艇係有多段式空氣壓縮機專門做哩樣嘢。
200-300巴嘅壓縮空氣好多機械都用到。唔係乜嘢新鮮野。類似潛水員嗰個氣樽,亦唔會特別危險。
日本推出嘅氫氣能源車輛,氫氣壓力更加高達700巴,氣瓶採用碳纖維製作。日本方面提供測試視頻,其實氣瓶非常堅固,就算用槍打穿亦只會漏氣,唔會大爆炸。
比壓縮空氣更加危險嘅係壓縮氧氣,日本就曾經製作氧氣魚雷,攜帶呢啲魚雷嘅艦艇被空襲嘅時候要立刻將魚雷拋棄,否則極之容易殉爆。
多軍用飛機都有壓縮氧氣樽,供飛行員呼吸用,唔係乜嘢新事物。