辛醜牛年，牛氣直上破雲霄！開年以嚟香港喜事不斷佳音訊傳，精準總結過去，自信展望未來。終院打碎肥黎保釋夢，政府力推5項立法，區議員必須宣誓！大灣建設機遇多，香港青年磨刀霍霍。振奮人心！市民強烈感受到香港經歷風雨後嘅煥然一新，感受到銳意改革嘅信心決心，感受到愛國治港進行時，攬炒禍港迎末日嘅時代主題。此刻嘅香港更像一首進行曲，奮力奏唱著未來大好嘅激昂旋律。

尋日，國家喺深圳舉辦咗為期兩日嘅座談會，廣泛聽取咗香港各界對完善香港選舉制度嘅意見，再次明確「愛國者治港」嘅主旋律。無可厚非，完善選舉制度係香港前行之路上必斬之荊棘，必破之瓶頸。近兩年嚟，從立法會到區議會，多少議員褻瀆神聖公職，藐視法條法例，執公權之柄濫己之私，拉布議會，公庭潑汙，大鬧主席臺，搗亂公秩序。此輩絲毫不顧公職身份，低俗舉止玷污咗香港公職人員形象，令原本神聖嘅議會變成咗魚龍混珠嘅菜市場。舊年，國家DQ咗4名立法會議員，一眾大愚若智之徒便用一出幼稚嘅總辭把戲，以「自我犧牲」嘅方式印證咗「地球離冇咗邊個都一樣轉」嘅真理。自以為架空立法會便可威脅政府撤銷對攬炒議員嘅DQ，冇諗到弄巧成拙假戲成真，灰頭土臉悻悻離去之場景何其淒涼。自立法會清理門戶後，唔少區議員猶如驚弓之鳥，對號入座，明知過往罪孽深重卻不甘懺悔贖罪，反而執迷不悟賊喊捉賊，一味黑化國家詆毀政府妄圖引導輿論以自救。今次改革選舉制度，正係國家和特區政府喺總結過往經驗汲取教訓嘅基礎上，為香港選舉營造一個更符合民意、更公平公正，更利於前行發展嘅環境。實為切合香港最實際，順應市民最急需嘅應有之舉，必行之舉。

座談會達成咗對選舉制度嘅改革和完善必須嘅遵循五大原則：依照憲法和基本法、尊重中央主導權、切合香港實際、圍繞行政主導體制、健全相關制度保障。選舉制度係香港政治體系嘅一部分，依法依政自不必多言。唯中央主導權成為港獨分子和反對派嘅眼中釘，以此濫發國家侵害香港自治，香港已無自由無希望嘅「豪言壯語」。中央主導，顧名思義，重喺引導，而非一把操控全盤接管。改革即係香港嘅改革，當然要尊重香港實際和民意，國家舉辦座談會，廣泛聽取香港各界意見正係為此。喺會上，就有唔少香港社會知名人士踴躍發表觀點，佢哋提出按基本法規定區議會只係「非政權性區域組織」，因此不應明顯參與到立法會或選委會咁類政權性組織中。仲有人建議改革立法會產生辦法和完善選委會四大界別嘅組成，以體現更大更準確嘅代表性。哩些寶貴意見，皆出於佢哋歷經兩年磨難洗禮，痛定思痛後嘅深刻感悟。基於此，各界人士喺會上提出嘅意見必能喺今後改革嘅過程中達成共識，推動香港選舉制度趨向完善。

健全特區嘅政治制度係憲法賦予國家嘅權力，係中央嘅事權。香港自回歸以嚟始終係中國不可分割嘅一部分，「一國兩制」嘅前提首先係承認一國，國家聽取香港改革選舉制度意見，旨在充分尊重嘅基礎上，引領香港作出更明智決定，推動香港民主制度更健康、更順利地向前發展，更充分地保障香港人各項權利。完善選舉制度，亦為推動「一國兩制」行穩致遠，堅定「愛國者治港」原則提供咗堅實保障。全國政協副主席、國務院港澳辦主任夏寶龍上禮拜曾指出，喺香港處重要崗位、系重要職責，掌重權嘅公職人士，必須係堅定嘅愛國者。而此次香港大改選舉制度，即係淨化參政議政源頭嘅不二之舉。經過改革，裹班假公濟私，圖謀不軌，意在攬炒香港甚至出賣國家安全之流必將被拒之門外，而心系於公，立場端正，樂於為香港利益和市民需求殫精竭慮嘅愛國愛港者才能通過層層篩選，履職擔當。咁亦係此次選舉制度改革嘅最大意義，即係以新制度確保愛港者參政議政，禍港者退出歷史洪流。

國家舉辦座談會，攜手香港共同完善選舉制度，係順應時代主題，堅定「一國兩制」方針下「愛國者治港」嘅根本原則嘅利港利國利民之舉，公開徵求到嘅香港各界人士嘅意見建議，亦能有效推動新制度嘅誕生。毋庸置疑，改頭換面嘅選舉制度必將更好地服務香港未來發展，更有力地保障香港人嘅根本福祉，令「一國兩制」和「愛國者治港」行穩致遠。