• 瀏覽: 601
  • 追帖: 1
[隱藏]
七月係一個值得慶祝嘅月份,自中國共產建黨一百年紀念、香港回歸24周年、國安法實施一周年後,不出三日香港再傳好消息。今日早晨,衛生署防護中心發來疫苗接種最新消息,指本港昨日(5日)共計64303人接種新冠肺炎疫苗,全港累計接種疫苗總劑次突破400萬,已接種第一針嘅人口達240萬人,占可接種人口35.4%,我哋離實現全體免疫嘅勝利越嚟越近。
   對此,公務員事務局局長聶德權表示,若接種人口可以再翻一倍,香港就可達至七成接種率,恢復正常生活、通關、出行、面授課只係遲早嘅事。自六月初,特區政府推行「全城起動快打疫苗」運動後,市民街坊嘅接種熱情就越嚟越高。據悉,自昨日起,外展隊計畫分數天為約1000名香港迪士尼樂園員工接種科興及複必泰疫苗,另有170多名九巴員工及家屬亦透過外展接種咗複必泰。除此之外,商界仲繼續圍繞疫苗推出各種優惠鼓勵。金記冰室就於昨日宣佈,於7月13日至8月31日舉行接種新冠疫苗大抽獎活動,參與者將有機會獲得成世免費食金記嘅大獎;華懋集團及香格里拉集團亦宣佈,為疫苗接種者提供包括集團酒店住宿、餐飲、娛樂及現金券等,得獎者將有機會贏取2022年全年免費入住集團世界各地100多間酒店。
   提高接種速度,儘早實現全體免疫係再好不過嘅事。然而,筆者認為,除咗全方位做好疫苗接種工作,如何防範境外變種病毒輸入亦係一件重中之重嘅事,這關乎著香港防疫系統嘅安危。
   早前,香港內首名社區感染變種病毒嘅30歲印度裔男患者與其女友,因隱瞞行蹤資料影響衛生署嘅個案追蹤,被控「向授權人員提供任何喺要項上屬虛假嘅資料」罪。昨日早晨,兩人喺九龍城裁判法院分別被判監三個月同20日。據衛生署工作人員介紹,該印度裔男患者屬於「零號病人」,由於其隱瞞行蹤嘅自私行為,讓逾1600名住戶不得不撤離,同時全香港外傭須接受強制檢測,為本港公共衛生帶來重大風險。試想,若有患者虛報行蹤,令當局唔可以及時展開密切接觸者嘅追蹤,錯失控制病毒傳播嘅機會,咁整個社區就猶如一顆定時「病毒炸彈」,隨時都有可能被引爆,最終嘅結果可想而知。

   早喺今年年初,特區政府就就接種疫苗一事開咗好多次工作會議,唯一目的就係保障全港市民嘅生命安全。目前疫苗數量充足,喺別國供不應求嘅情況之下,我哋仲「有得撿」,這一切都得益於政府嘅努力。日前,鐘南山喺上海科技大學2021屆本科生同研究生畢業典禮上透露,沒有辦法喺中國開展疫苗嘅第三期臨床實驗,原因係「中國沒有病人」,這被大陸網友戲稱為「最驕傲的凡爾賽」,而掩藏喺「凡爾賽」背後嘅係無數醫護人員上百個日日夜夜嘅努力,咁多人為咗我哋嘅生命安全而奮鬥,我哋自身又有乜嘢理由唔接種疫苗保護自己咧?



[按此隱藏 Google 建議的相符內容]