叫得 Beta Version 即係好多嘢總係有爭議或者有問題。正所謂吹得就吹!
各路C兄,可以俾意見,惡意批評,講粗口!!
就好似其他軟件咁樣,吸收左不同意見,可能會不定期,出更新!!
//-----------------------
俄羅斯最叻就係乘人之危,對俄羅斯來講,中國打敗美國或者美國打敗中國都對俄羅斯毫無好處,所以你會發現特朗普做總統,俄羅斯出左唔少力,特朗普一上台講嘅其實係聯合俄羅斯對抗中國!
唔好以為俄羅斯係一個愚蠢嘅民族,其實俄羅斯係國際象棋上修為,邏輯思維並唔係你想像中咁差。
其實今次印度挑釁中國,根本就係白人文明想搵一個國家,試吓中國動武的底線。
香港嘅情況一樣,我冇證據,但係有一種想法,西方勢力推動香港獨立,根本冇可能,佢哋其實想知道,中國共產黨對國家安全底線係邊。
參考,將來上海,應該如何去搞,因為上海其實都非常崇洋,香港情況,喺上海未必唔會發生。
你要明白,民主自由,分財產,分權力,呢啲咁嘅嘢,一定有吸引力,亦即係話,所有對外開放嘅城市,最終會面對西方民主自由口號攻擊,製造出嚴重嘅內部矛盾。
呢種情況,亞洲冇咩國家可以迴避,強人李光耀已經唔存在,佢個仔,亦都未必可以壓得住。
上海雖然唔係一個國家,一樣有機會發生,也許只係遲早嘅問題。
世界綜合博弈,係唔會係短時間之內分出勝負,可能係幾十年,或者過百年!
核心並不是一定要將對方殲滅,自己處於強勢,對方處於弱勢,一直維持下!
對西方白人民族來講,防止中國崛起,係統一思想,所以俄羅斯,東歐,北歐,英國,美國,基本上係一致嘅!
我冇證據但係有一種想法,白種文明,對付中國嘅方法,其實係,煽動印度與中國對抗,令到中國,係陸軍,海軍,要一齊發展,同時西方減少對中國產品嘅需求,令到中國冇辦法喺貿易中獲得更多嘅財富,軍事開支,又導致中國支出龐大,如果可以將中國推入呢個局面,未來30至到50年中間,中國將會從盛轉衰!!
[ 本帖最後由 狂人甲 於 2020-7-12 10:33 PM 編輯 ]