首先,講返佢地啲五大訴求成功既可能性,先唔講某啲訴求其實係同香港核心價值:法治精神相違背,要中央答應五大訴求,等於根本掂到中央最重要既底線,亦即係國家統一,穩定。今日答應得你香港,起左個先例,第日其他地區又有樣學樣咁點算?所以共產黨答應既可能性係零。
咁共產黨唔可能答應,黃絲心諗,共產黨倒台咪得囉,亦即係佢地成日講,都幻想左十幾年既支爆。咁我就從三方面話比佢地知係幾咁唔可能。
第一,佢地覺得外國會圍堵中國,會想整死中國,其實呢啲人對經濟一啲都唔了解,外國,特別美國,而家從中國入口大量貨品,用美金找數,找數後中國商家攞住啲美金要同銀換人民幣出糧比工人同買原材料,中國揸住咁多美金無用,亦唯有買美債,結果啲美金又去返美國,中國得到既係一堆借單同埋每年雞碎咁多既利息。咁既模式美國不知幾爽,反正佢又唔會還本金,美債上限年年升,等於每年比利息就買到多多野。再加上中國咁龐大既市場,每年買各國既產品,比外國又賺一筆,所以無人會想中國死,甚至美國總統仲不斷要求中國更開放市場比佢地做生意。外國而家打壓中國,只係因為中國科技冒起太快,威脅到美國霸主地位,再深入唔多講,總而言之中國真係玩完,全球都一齊玩完,所以無人會咁做。
第二,係歐洲利率去到負數,美國都得2%仲已經開始減息,歐美亦開始印銀紙之際,中國既利息三厘幾,仲有存款準備率可用,都仲未用到量寬,即係中國要救經濟既籌碼遠遠比歐美多,更唔好講每年超過6%GDP增長率,一個全世界最龐大既市場等等,真係要爆煲,歐美爆都有排未到中國。
第三,話中國債務高會爆煲,其實中國債佔GDP 300%,但當中得十零%係外債,其餘都係中國內部發生,即係居民買樓貸款,地方政府向中央,國有銀行貸款,國企民企向銀行貸款等等,呢啲內債絕對係中央掌控內,唔似美國,其實比率仲高,350%,但大部分都係欠落外債。
仲有其他原因如中國係核武國,就算想,都無國家敢真係迫得中國太緊,而中國因為近年高速發展,人心亦無不穩,所以幻想中既支爆,只會繼續係幻想。
既然班黃絲唔會成功,我地又推敲下事情發展落去會點,如果我係中央既,就話知你地繼續日日上街發癲,反正上街既係班傻仔,比人拉,比人打既係佢地,而事件拖得越耐,只會令國內外甚至其他香港人越麻木,慢慢越無視,但中央對香港既掌控只會越來越緊,再加上玩落去嚇走班外資,國企更大幅度佔據香港,無論股票市場,近幾個月外資不停賣,國內資金就不停買,國資唔係想係香港股票市場賺錢,太微不足道,而係想係港股市場有更多話語權。而實體經濟,外資走,亦會更多中國企業係香港經營。賺蝕係香港咁細既市場佢地完全唔在意,只係攞香港更多控制權之餘,香港更加係佢地走向國際既第一步,只要香港班正常人繼續係呢點幫到中國企業,班黃絲就只能拖死做香港幾百萬人生意既公司,但唔可能拖死香港。
最好笑係班上街傻仔覺得自己係度拯救緊香港,話咩唔係佢地,逃犯條例一過,大量外資又會撒資,香港已經玩完等等,但美國仲日日叫緊中國開放市場比美企入去做生意,直接入中國都排住隊想入,但香港立條例就大量撒資?你話笑唔笑死人。
不過班黃絲啲咁膚淺,咁負面既思想,人生做咩都唔會成功,所以佢地可以做既咪繼續上街,然後最大得著係發掘一班讀唔成書做差佬既人有咩做錯,然後我地呢班中產就享受住資產有機會下跌,執平貨既機會,而因為有呢班廢物,就更顯得我地正常一班既身價,繼續係香港升職加薪向上流機會更多。
作為中產,見到政府最大問題係回歸後對班黃絲思想人,對班氾民太忍讓,結果越來越廢,做咩都畏首畏尾,養成少做少錯,唔做唔錯風氣,黃絲氾民就變本加厲,碼頭又要保育,街市又要保育,連海豚,海龜,海星,郊野公園一丁點都要保育,咩都唔比政府做,然後就大造文章話政府咩都做唔到。我敢講,香港大部分社會問題,係班人自己攞黎,然後班人係香港呢個無論自由,法治,開放度等等等等既排名都係全球數一數二排名前列既地方話咩生於亂世,話咩無左佢地香港就會玩完咁,當真係極度on 9。