[按此打開]
[隱藏]
資料copied from 100毛
前香港民族黨召集人陳浩天今日聯同香港獨立聯盟召集人陳家駒、以及另一名火炭倉庫被捕人士見記者。
陳浩天表示,分別有一名上環衝突及一名沙田衝突嘅被捕人士委託佢向傳媒傳達,話曾經喺拘留期間,喺警方提供嘅水中飲到鹹味,懷疑係廁所水。
各區被捕人士所受到嘅不人道對待:
上環
- 警員表示水係「任斟任飲,唔夠再斟畀你哋」,被捕人士發覺飲落係鹹水,而警署內可以攞到鹹水嘅地方,照理就係廁所,所以懷疑係廁所水。
沙田
- 晚上11點入到臭格,多番致電當值警員要求見律師同飲水都被拒,警員一直話安排緊,之後甚至掛起條線拒接;
- 凌晨4點,警員先畀水佢哋飲,飲落都係鹹水
火炭
- 未作出拘捕,已被警員搶去電話、車匙,強行上車搜索;
- 證物清單上並無被搶走嘅車匙,亦無車內被搜索嘅相片;
- 警方上門時無搜查令,持盾警員將全部被捕人士壓喺地,亦唔准佢哋用電話聯絡律師;
- 律師到場,警員唔准律師入內,整個搜查過程並無律師在場;
- 到咗警署,「羈留人士通知書」列明被捕人有權聯絡一名親屬,但警員話唔畀,只可以搵律師;
- 被捕時罪名為「懷疑持有攻擊性武器」,但被扣起同罪名無關嘅電子儀器,檢查有無Banner print file;
- 有被捕女士喺警署內被警員用私人電話偷拍,在場其他警員無阻止。嘗試索取涉嫌偷拍嘅警員姓名同編號時,該名警員離開。