都係嗰句, 大家唔好圍爐, 我地要拉攏係淺黃絲同中立撚當無人支持班勇武撚憤青,
佢地人太少好快就會收皮架喇!!!!要駁斥佢地提出的觀點
*****************************************************************
真心矛盾
一方面義正辭嚴鬧政府未審先判，警察濫暴，嗰頭自己友打疑似公安，執大陸人私刑又唔會有人講番嗰啲大大聲無罪假定嘅原則
今朝有大量文宣quote番政府同警方記者會啲答案為暴力開脫。乜你哋認同呢啲說辭㗎? 之前唔係插佢哋答廢話無誠意嘅咩? 拎你唔同意嘅嘢嚟駁係咩玩法? 喺中立/藍絲眼中執法過火同蓄意霸機場圍鳩人可以相提並論咩? 唔係target佢哋啲文宣俾邊個睇
有個文宣比喻又係好笑, 話有女人如果喺床底搵到第二個女人底褲, 問都唔問就打個老公一巴, 身邊人唔會批評話佢家暴喎~ 現實係, 如果個女人真係問都唔問就打個男人(執私刑), 肯定無人批評? 同埋而家唔係一個女人對一個男人, 一個準確比喻係本來兩個人嘅事, 條女搵曬成班姐妹上屋企, 掟爛曬屋企所有野(影響埋隔離屋), 你仲係覺得個女人無錯?
一時就核彈都唔割，一時就將暴力衝擊賴落所謂嘅鬼度大叫捉鬼，咁究竟抗爭過咗火位喺你哋眼中要死攬定要質疑?
抑或單純係: 非我族類，其心必異?
核爆都唔割，我呸！你咋唔代表我。大家放長雙眼睇下主流意見割定唔割囉，做人要有底線，切忌雙重標準，我一樣屌港共政府冷血黑警濫暴，同一把尺我屌鳩你班戀戰勇武，同埋嗰班英雄化勇武，但坐喺鍵盤前面嘅煽動撚。
我退一萬步當條例「壽終正寢」mvp係衝番嚟（事實上都證實唔到）。而家你呢個自封嘅mvp磨足兩個月好心你就放番個球權出嚟啦，死霸住個波左扭右扭仲叫隊友咪阻你！
即使有道德贏唔到共產黨，唔代表冇道德你就贏得到。放任咗勇武兩個月（非法集結襲警都由你用咩以武暴呢類講法忍你去做），到呢刻仲叫人唔好割，係咪等你哋全軍覆沒先割? 到時洗鳩割咩大家都俾對家收皮啦！
尋日警察抆槍俾人cap圖，又唔cap之前嗰段，邊個國家警察俾人圍仲要搶棍打都唔抆槍? 救完就閃啦戀戰做乜，想反擊憑你哋贏到咩? 俾美國嗰啲警察，你搶棍嗰嘢何止抆槍開左火啦。
反擊（甚至主動攻擊）同防守係兩個概念，咪再用啲煽情到爆嘅強姦犯比喻嚟駁。
上fb/tg圍爐打飛機寫句核爆都唔割好易，放低個鍵盤望下個世界，睇下有幾多人陪你嗌（齋嗌我都嫌冇幾多人陪你呀）
[ 本帖最後由 jaecrowder999 於 2019-8-14 01:33 PM 編輯 ]
