若以白,黑衣人無沖突, 以及西鐵站內一輪狠打, 今日警方確係做到嘢.
不過呢幾日觀察, 有以下見解
催淚彈已冇乜效, 個個都有晒豬咀或N95. 但因次次都放, 巿民同媒體已少咗大驚小叫了. 不過在巿區民居附近放, 輿論一定唔好.
第二樣冇乜效嘅就係警棍, 留心睇好多時都唔係打落人最痛嘅地方, 好似今日咁, 見住好多係打在黑衣嘅木板盾牌上.
明顯警方係有命令喺身, 驅趕為主, 傷亡減至最少. 但策略可以更好, 例如一拆鐵欄就趕, 拘捕前線明顯作出攻擊動作嘅暴徒.
上策應該好似上次旺角咁, 對方未有暴力行為, 就同佢鬥耐力, 只對峙,唔主動攻, 一嚟對方無癮, 又可迫佢哋沉不住氣, 三嚟地鐵夠鐘佢哋自己也會散. 今日下午大馬路警方主動攻擊, 表面睇係下策了(南邊圍那邊有拆鐵欄圍警車,警方主動攻擊好合理).
另外想講, 那些站在警察前面七情上面演講嘅所謂平民, 例如今日個阿婆, 佢一講嘢警察便後退. 呢啲人對前線警員軍心有好大嘅動搖,尤其當出動到女士,長者,下次可能出小朋友. 其實一遇到這種情況, 警方應搵女警或談判專家即時包圍並"護送"佢走, 盡量減少佢出聲嘅機會.
[ 本帖最後由 SAFARIAN 於 2019-7-28 01:05 AM 編輯 ]