係越南返嚟之後又忙睇世界盃, 都唔得閒回應返各位大大。( 今晚德國波真係唔啱我心水, 冇乜心機睇)
係情意結上, 大部分越南人(平民)都好討厭中國人(數千年歷史), 只有少部分嘅越南人, 因為有利可圖( 從商從政或者收台底數), 先至會靠向中國( 但亦唔真心)
但每次排華, 最傷亡慘重嘅,唔係中國人、中國商家。 而係台灣人! 因為中國人台灣人都講國語, 但中國商家有越南政府做靠山, 每次排華暴動, 越南政府都會派軍隊去守護中國人開嘅工廠。( 但越南政府係咪因為同中國friend? 永不! 只係想沾油水而已。)
99年嘅問題, 其實好鬼得意, 中國政府已經同好多國家傾好咗租借用地99年嘅合約( 傾唔掂就退而求其次租50年), 澳洲之前都有啲反對聲音。( 香港被租借99年嘅情意結?)
但越南人, 嗰種抗華情緒同堅定嘅心, 情況同南韓人民抗美差唔多。 越南人仲背負多一種家仇國恨, 血海深仇嘅情緒。
我作為一個旁觀者, 個人見解,亦吾希望越南人民需要強力扭曲咗自己嘅本性本質、文化信念去認同中國。 亦覺得中國不如留返啲力度, 先去軟性入侵其他更加可行嘅國家, 例如泰國。