我反而覺得支付寶個付款碼 generate 得非常快,每次都係即按即出,用咗接近5個月大概5、60次,感覺唔錯,除咗早期有一次掃 code 要掃多過一次,次次都好順利一 take 過,出單係唔及八達通快,但唔會比其他付款方式慢,用支付寶畀錢唔覺有壓力。相反微信支付個 QR Code 就真係出得非常之慢,唔一早開定會好大壓力,交易時快時慢,做第一期優惠時出單比支付寶快,第二期可能因為多咗人用要等好耐至完成交易,剛剛推出第三期優惠暫時用咗兩次,出單比之前快,但有可能係因為非繁忙時段。純以實體店付款嚟計,支付寶無著數我都會繼續用,微信支付要再觀察。