• 瀏覽: 83,091
  • 回覆: 1,165
  • 追帖: 9
  • 分享: 29
+15
在荃灣荃錦中心萬寧分店任外判兼職清潔工多年的七旬婆婆,去年七月被指把收銀櫃內一卷合共約六百枚、價值三萬元的印花放入褲袋帶走,婆婆稱放工回家後始發現誤把印花當成一卷膠紙,.........................................

清潔婆婆涉偷印花 萬寧:律政司決定檢控
東方日報 OrientalDaily 5 小時前

在荃灣荃錦中心萬寧分店任外判兼職清潔工多年的七旬婆婆,去年七月被指把收銀櫃內一卷合共約六百枚、價值三萬元的印花放入褲袋帶走,婆婆稱放工回家後始發現誤把印花當成一卷膠紙,翌日一早即已歸還原處,但萬寧仍決定報警。涉案婆婆事後被控一項盜竊罪受審,案件在西九龍法院經審訊後,押後至本月廿六日裁決,惟事件在網上引發熱烈討論。據悉,辯方在審前曾要求以自簽守行為方式處理,惟遭律政司拒絕。

控方案情指,荃灣荃錦中心萬寧分店職員於去年七月廿一日放工點算時,發現收銀櫃有一卷共五百九十八個印花不翼而飛,翻查閉路電視發現是被告李淑卿(七十七歲)當天把印花帶離分店。翌日萬寧一名保安向李質詢時,李指已把印花歸還原處;保安又供稱在李的袋中搜出另外十張零散印花。根據分店經理供詞,涉案六百零八個印花總值三萬零四百元,是由萬寧總公司以每個印花值五十元作計算。

視力欠佳 稱誤當膠紙帶走
李自辯時否認盜竊,她指自己視力欠佳,尤其左眼已「唔係好睇到嘢」,當天又忘記帶備眼鏡,才會把一卷印花誤當「白色膠紙」帶走用於工作上,但未有機會使用,直至返家才發現拿錯,已盡快於翌晨開工前歸還印花。對於警方指她曾招認「偷咗印花」,李否認並稱表達能力差所致,又遭警員「氹」她簽署口供。辯方大律師沈智輝結案陳詞時,質疑保安的證供矛盾及誤導。

翌晨已歸還 保安曾改口供
據悉,本案去年十月首次提訊後,被告才向律師透露已歸還印花,辯方律師遂向萬寧索取案發翌日的片段,結果印證了其說法。警方遂要求該保安補錄口供,本來該保安指稱在李的袋搜出共六百零八個印花,但於第二份口供改稱只搜出十張零散印花。
此案曝光後昨旋即引起網上熱烈討論,萬寧官方Facebook專頁內多條貼文均被網民「洗版」,至昨晚已有合共約萬個留言,絕大部分是表達對萬寧的不滿。萬寧昨午回應稱,明白事件引起公眾關注,去年七月接獲有關懷疑店舖盜竊事件後,已即時通知警方及向警方提供資料。律政司基於警方的調查結果,決定提出檢控。萬寧指一直配合警方調查,惟案件正進行司法程序,故不便作任何評論,強調尊重香港的法治精神,並相信法庭將基於法律原則,考慮各方因素而作出合乎情理的判決。
案件編號:WKCC 4540/2017
   
萬寧營業期間,印花被放置於收銀機下方櫃台。



嗱,今次東方清楚好多喇。蘋果真係講唔到成個流程。

辯方在審前曾要求以自簽守行為方式處理:
辯方原來之前打算自簽喎,即係認左偷野咁滯,亦有可能控方証據好強力,如果唔係辯方點會未打先想自簽。依家上庭唔認偷,又推翻自己既口供話係差人既問題。

據悉,本案去年十月首次提訊後,被告才向律師透露已歸還印花:
初期阿婆又唔同律師講自己還左原位,始乎係想一直撐從來冇掂過多過想承認拎左再放回喎。

李自辯時否認盜竊,她指自己視力欠佳,尤其左眼已「唔係好睇到嘢」,當天又忘記帶備眼鏡:
呢一點好矛盾,你左眼睇唔到野,得番隻右眼又有事,你唔帶眼鏡返工,唔好話做野,係連搭車返工都超唔方便。平時眼有近視既人,唔帶眼鏡都會帶CON,因為冇帶輔助工具,一出門口已經睇野好難(我有近視但唔深,出街冇眼鏡連睇巴士NO都唔易),佢咁嚴重點會可能係忘記帶返公司,又或者係工作時冇戴上。佢講到自己冇戴眼鏡睇唔清楚,可以做到野?

翻查閉路電視發現是被告李淑卿(七十七歲)當天把印花帶離分店:
原來真係睇當晚CCTV証明佢拎走左,而唔係只係CCTV見到佢放回,成個過程即係已經好完整。

把一卷印花誤當「白色膠紙」:
依家東方比埋印花張相出黎,其實..............咁花,除非係當左係卡通公仔膠紙,否則,膠紙係透明 (除非係雙面膠紙喇),而印花係彩色,膠紙同印花SIZE都完全唔同,佢又做左萬寧十年,佢點會感覺唔到膠紙同印花厚度同闊度唔同呀? 點解可以錯。

把一卷印花誤當「白色膠紙」帶走用於工作上,但未有機會使用:
預計自己工作要用「膠紙」,但做足成日野,都冇機會拎出黎用過?  要返屋企先知道出事?

東方報完,我完全信唔過阿婆。 真係唔好跟車太貼。

新聞來源連結:
https://hk.mobi.yahoo.com/home/清潔婆婆涉偷印花-萬寧:律政司決定檢控-230548501.html

[ 本帖最後由 JACKPANG117 於 2018-1-19 12:55 PM 編輯 ]



萬寧 FB 俾人灌爆,又刪文。
真係高尚英國企業呀。
宜家仲推俾律政師。
真係好肉酸
引用:
原帖由 JACKPANG117 於 2018-1-19 12:43 PM 發表
在荃灣荃錦中心萬寧分店任外判兼職清潔工多年的七旬婆婆,去年七月被指把收銀櫃內一卷合共約六百枚、價值三萬元的印花放入褲袋帶走,婆婆稱放工回家後始發現誤把印花當成一卷膠紙,翌日一早即已歸還原處,但萬寧仍決 ...



引用:
原帖由 飛天盒仔 於 2018-1-19 12:49 PM 發表
萬寧 FB 俾人灌爆,又刪文。
真係高尚英國企業呀。
宜家仲推俾律政師。
真係好肉酸
其實未判,但去洗版同罷賣,有乜用。

不如睇埋個官點判,同埋睇左陳詞先喇。 因為報紙佬聽D唔聽D,寫D唔寫D,依家只有個官最清楚成件事,同埋所有証據都O係佢手。



因為你唔係黃屍,咪告你囉


[隱藏]
攞左就係攞左!你可以好多原因去求情,婆婆屬於特別例子,可以特別處理,但係唔可以講到無錯囉!

[ 本帖最後由 小寶人 於 2018-1-19 01:06 PM 編輯 ]



有一日有個廿幾歲青年孭住個又靚又名貴背包上office,在走廊放低,轉過頭已經被一個清潔阿嬸當垃圾搬到𨋢口。一個咁新咁靚既袋可以當垃圾,唔係吖嘛?
阿婆食鹽多過你食米,食咗你都唔知發生乜事。



引用:
原帖由 中國香港001 於 2018-1-19 01:10 PM 發表
有一日有個廿幾歲青年孭住個又靚又名貴背包上office,在走廊放低,轉過頭已經被一個清潔阿嬸當垃圾搬到𨋢口。一個咁新咁靚既袋可以當垃圾,唔係吖嘛?
阿婆食鹽多過你食米,食咗你都唔知發 ...
唔好話依家屈阿婆喇,但成個情況,阿婆唔係咁正常。

1. 未開庭,辯方已經想自簽。(其實自簽等於認左罪)
2. 辯方開庭先比被告通知有交番出黎,即係被告O係律師面前一直唔認有掂過。如果唔係律師一早叫警察查CCTV佢幾時有還喇。一早肯認有拎走有還到,辯方點會咁快幫被告申請自簽,肯定有得打。但肯定被告有隱瞞辯方才出現呢個問題 (冇理由驚到唔記得提律師自己有放番原位喇,除非連拎過都否認喇)。
3. 依家咁睇唔怪之得保安口供出問題,個官都繼續審,原因係因為當晚CCTV已經見到佢拎走左。保安口供已經係次要,但保安應該會變成不誠實的証人,可以不處理不參考其供詞。但CCTV影到佢拎走左,告佢冇走雞喇。 辯方肯定睇左片知道勝算唔大先想決定自簽喇。



引用:
原帖由 JACKPANG117 於 2018-1-19 02:01 PM 發表


唔好話依家屈阿婆喇,但成個情況,阿婆唔係咁正常。

1. 未開庭,辯方已經想自簽。(其實自簽等於認左罪)
2. 辯方開庭先比被告通知有交番出黎,即係被告O係律師面前一直唔認有掂過。如果唔係律師一早叫警察查C ...
成個過程如果用客觀分析,就正如你所講,根本就好易明。但現今社會由某些傳媒做定一個結局,經由一小撮人作為,再令到理道德高地人士照單散播。



好難將印花睇錯係膠紙....亞婆有隱瞞


[隱藏]
引用:
原帖由 JACKPANG117 於 2018-1-19 02:01 PM 發表


唔好話依家屈阿婆喇,但成個情況,阿婆唔係咁正常。

1. 未開庭,辯方已經想自簽。(其實自簽等於認左罪)
2. 辯方開庭先比被告通知有交番出黎,即係被告O係律師面前一直唔認有掂過。如果唔係律師一早叫警察查C ...
阿婆而家打"不知情"
重點係:點解吾開誠佈公, 同經理講自己搞錯, say sorry? 而係偷偷放回原位.
仲有係: 話自己無儲印花習慣, 但身上又有1X個印花. 言行明顯不一.
邊個話, 人老就一定係好人?

[ 本帖最後由 熱鬥老馬 於 2018-1-19 02:24 PM 編輯 ]



嗱,再公道啲去睇!

阿婆話自己有嚴重眼疾,嚴重連一卷膠紙都分唔到!

蘋果就話佢有帶眼鏡返工,只係工作時除下戴下!
東方就話佢當日直情冇帶眼鏡返工!

咩都好喇,身體行為最實際,張相係蘋果影既,阿婆眼疾嚴重到咁,出左街比記者影左相,佢當時都冇戴眼鏡行到出街,只係戴口罩,佢隻眼都幾識揀時間睇唔清野喎!



附件

IMG_20180119_143331.jpg(268.18 KB)

2018-1-19 14:56

IMG_20180119_143331.jpg

引用:
原帖由 JACKPANG117 於 2018-1-19 12:43 PM 發表
在荃灣荃錦中心萬寧分店任外判兼職清潔工多年的七旬婆婆,去年七月被指把收銀櫃內一卷合共約六百枚、價值三萬元的印花放入褲袋帶走,婆婆稱放工回家後始發現誤把印花當成一卷膠紙,................................ ...
直情回家後給家人知道她偷野,家人叫她放回原位,當作取錯膠紙 ,如果係銀紙仲大鑊 !



引用:
原帖由 ttyiu 於 2018-1-19 03:02 PM 發表

直情回家後給家人知道她偷野,家人叫她放回原位,當作取錯膠紙 ,如果係銀紙仲大鑊 !
我唔估佢果晚咩事喇,不過都有機係萬寧同事睇完cctv知係佢就打比佢,叫佢第二日拎番黎呢!

不過佢話有眼疾但工作唔戴眼鏡不可信! 依家出街行路唔戴都睇到路,仲比記都影佢,仲扮乜拎錯喇!



提示: 作者被禁止或刪除 內容自動屏蔽
[隱藏]
引用:
原帖由 熱鬥老馬 於 2018-1-19 02:22 PM 發表

阿婆而家打"不知情"
重點係:點解吾開誠佈公, 同經理講自己搞錯, say sorry? 而係偷偷放回原位.
仲有係: 話自己無儲印花習慣, 但身上又有1X個印花. 言行明顯不一.
邊個話, 人老就一定係好人?
邊個話,人老就一定係好人?

呢句講得好



主題標籤 #律政司
[按此隱藏 Google 建議的相符內容]