[按此打開]
[隱藏]
明呃香港人唔識分乜係反對聲音同反政府既分別.
中國自宋朝以黎根本就從未停止過反政府, 同時個社會都從來未好過. 反政府除咗可以搞到血流成河, 死人無數, 比外族屠殺之外, 從來未能為中國社會帶來實質既改變.
相反, 日本人從來都唔反政府, 又唔見日本人個個都係奴隸. 西方國家既民主實現都係來都唔需要反政府. 需要推翻政府先實現到民主既, 通常都冇好. 如果唔反政府叫奴隸既, 咁西方大國D子民全部係奴隸. 英國殖民地之下既香港人就更加係奴隸, 野野都要宣誓效忠英女皇. 所以正正相反, 中國人從來都係一個叛逆成性, 最鐘反政府既民族. 可惜既係, 亦都從來未曾因為反政府而變好過. 原因好簡單, 因為個問題出響人民度.
叛逆, 自私, 低俗, 不誠實等等特質, 首先係令到中國人無法有效出產清廉既官員. 冇好官就唔會有好政府. 今日香港情形都係一樣, 出唔到好官將社會最大既問題之一. 以前呢個唔係問題係因為, 你出唔到英國祖家同你出埋. 回歸之後再冇呢支歌仔唱. 香港隨時會出返以前D四大探長. 因為一個馬照跑舞照跳, 好嫖好賭好低俗, 再加上金錢至上既咁樣一個傳統中國人社會, 係唔應該會出到好官既. 與其閙政府, 不如檢討吓自己. 中國人另一個最大特點就係, 自己攪臭自己個社會自己唔知道, 仲懶正義咁賴政府. 不求自我改善, 乜都賴晒政府. 係從來都解決唔到中國人社會存在既問題.
[ 本帖最後由 正字 於 2018-1-15 08:10 AM 編輯 ]