90後女同事被禽獸上司多次性侵,向兩名高層投訴,竟令滅聲啞忍!
事發部門:房屋署-元朗區-保養部
事發地點:X瑞邨
時間:12/2017
90後女事主(化名:阿嬌)係一位喺房屋署做咗幾年嘅監工,性格內向,膽小怕事,平時幾好人,有個拍咗幾年拖嘅男朋友。平時返工大部份時間會坐喺辦公室做嘢,辦公室職員比較少。鍾姓上司(花名:魔X鐘)(助理工程監督)趁阿嬌經過,故意摸阿嬌臀部,仲要喪心病狂大力「鍊」幾下,阿嬌嚇到面都青,返回座位忍喊。原來惡夢先啱啱開始,老奸巨滑嘅魔X鍾眼見女事主膽小怕事,就沾沾自喜,每日趁辦公室冇咩人,貪得無厭就走去摸阿嬌大腿,不停抽水,整隻手掌捏緊臀部簡直人面獸心!可憐嘅阿嬌連聲都唔敢出,只可以番屋企偷偷地喊,連男朋友同屋企人都唔夠膽講。
事發大約一星期後,X瑞邨經理無意間發現魔X鍾又再橫行無忌性侵犯阿嬌。
同阿嬌講:「你咁都忍到嘅?!告佢啦!」
阿嬌:「我唔想搞大件事,我唔想無咗份工,男朋友知道咗會同我分手...」
經理:「直接同你地高層投訴,調佢去另外一個區啦!我做證人,同你一齊去!」
二人一同分別向張姓工程監督(花名:X男)及 陳姓高級工程監督(花名:鬍X陳)投訴。
魔X鍾係X男嘅第一得力助手,X男口頭應承會處理,實際只草草了事,上司屬下互相包庇!簡直目無法紀!
另外因鬍X陳近日進入升職審核階段,成功升職後會調到另一區工作。發生這種屬下管理不善事情,絕對會影響佢嘅升職機會,退休金亦都會冇咗一大部份,佢居然厚顏無恥,為咗個人利益,直話直說同阿嬌講不如大事化小,小事化無喇!叫佢唔好多口!就草草了事!三人互相包庇光天化日嘅罪行!對女性公平咩?呢啲唔係假公濟私咩?
希望大家share出去俾更多人睇到三人惡行!