Silver Member
- 帖子
- 17453
- 積分
- 16759
- 註冊
- 2005-4-30
|
#51
發表於 2017-10-3 09:52
引用:原帖由 leechilam 於 2017-10-3 04:48 AM 發表
最近看了電影追龍,又令我回想老廉成立之前的香港。呂樂(不是雷洛,雷洛只是電影改的名)是60年代總華探長,當年警務處長都忌他七分,權力大到要香港太平就太平,要香港亂就亂。總華探長,大概是今日警察的沙展,官 ... 樓主一定好後生或者其實唔係香港人,會以為六十年代既香港,係好過現在,多機會過現在.
首先講一下,其實香港五,六十年代,香港發展並不是黃金年代, 真正黃金年代是七十年代後期到九七年, 老香港都會明白,唔會同我拗, 咁解要到七十年代後,香港先真正起飛,中國是一個因素,其實呢個因素係到九十年代先大,七八十年代,中國仲係一窮二白,要香港接濟
咁五,六十年代同香港七十年代早期係點呢?簡直係市民既地獄. 一家八口一張床,木屋區大火,收黑,現在居然有D仆街係度美化黑社會同警察收黑錢, 真係無知兼白痴.
當時真實情港係點呢?
白粉橫行,通街老同,警察收黑,包庇呢D白粉檔,當時大部份既勞動人口,學識低,唔同現在既後生仔,明知索K有害都自己中埋去, 當時有多係比人昆左,以為食左會做野仲精神,就咁......家散人亡.
賭檔, 又係警察收黑, 咁除左大檔之外, 咁原來家庭煮婦都有,聽過什麼叫字花未? 搞到幾多賣兒賣女, 賣老婆落火坑....
收保護費,以前,唔好話係做小販要比,比完警察又要比黑社會, 就算你真係開間士多,都有人來收保護費,機會多? 真係白痴先會咁講.
當時,點解無黃絲?無港獨?因為大家根本唔當香港係一個長期會留低既家.
1981 暫借的美夢.
https://www.youtube.com/watch?v=oGO_QLRWYn8
其實,六十年代,發展到,香港成為白粉中轉基地,由金三角中轉香港,再到歐美,本來英國人都唔理,點知你影響到美國,美國最後發展,背後係牽涉到港府最高層既英國人, 其實收黑得咁勁, 英國人點會無份? 用腦想都知. 於是英國派來麥理浩,佢真係一個好官,佢同之前既港督最大分別係,佢係第一個政務官做港督,以前都係軍人,佢係第一個文官,由佢開創香港新局面,其實佢來,第一大目的,係要停止香港作為白粉中轉港, 而做呢樣野,就要做兩件事, 第一,打擊貪污, 第二,發展香港係白粉以外既生意, 大家要記住, 香港在此之前, 才剛剛從67暴動中恢復過來.
當香港貪污被打擊之後,香港係地理及法治既優點下,就發展出現在香港最重要既市場,金融市場!!!!
所以講到黑貪結合,製做機會, 係白痴既仆街先會咁講.
咁九七後, 係唔係就無晒機會呢? 樓主話,以前肯搏,就會有機會, 其實任何時期, 都係, 你只要肯承擔風險, 肯從低學起,其實現在機會一樣有. 唔信?
其實, 呢十年,你肯承擔風險,簡簡單單,係08,09年買層樓, 當時TKO最平一百多萬, 屯門有些一百萬. 咁有無人搏? 我都未講2003年咁遠. 好過去貪去黑去賣白粉吧?
咁又會有人話,又係炒野, 咁所以我唔講買700.
想學門手藝,以前六十年,又要比利士,又要拜師搞幾年先滿師,現在,係肯從頭學1-2年,學寫APPS,入行都成兩皮,做多幾年,三皮一定有, 仲隨時自己可以接JOB, 點解我知??
讀唔成書? 咁OK, 你可以考個.....外遊領隊牌, 工聯會有得考, 考完, 搏幾年, 升做一級領隊,你地以為佢地真係得皮幾野個月咩....?
基本上, 現在既香港, 比六十年代香港, 更公平, 更多機會.
|