香港係一個國際大都會，香港人一直以黎都係獅子山下為生活打拼，最緊要係安定繁榮，有飽飯食，有工做，有瓦遮頭！而家仲有好多唔同既娛樂係香港出現，唱k睇戲，大把野玩！留係屋企都可以歎住冷氣打下機！大多數人都成日放題自助餐，大魚大肉。。。一年去幾次日本泰國旅行買野亦大有人在！
你有不滿，可以遊行示威，表達訴求！係香港，你鍾意鬧邊個就鬧邊個，難為有d日日係到屌鳩政府既人話無言論自由。。。
香港罪案率亦係全球較低，治安良好，唔會有咩恐襲危機！省港旗兵自回歸後亦消失左！香港地方咁細，交通又方便！失業率又唔算好高，對比美國，大把30幾歲既人都要訓街，攞救濟金！係香港，你有對手肯做,搵工絕對唔難！
加上，好慶幸香港唔會有地震海嘯火山爆發呢d天災發生，颱風打過黎都唔會有咩太大威脅！其實香港既生活條件真係好好！當然係經濟發展既同時有d野亦係要犧牲。。會有美中不足既地方需要解決！但點解會係生於亂世？？？因為就係冇民主，所以就係亂世？定樓價貴冇屋住，所以係亂世？
香港而家係有好多問題要正視，要解決房屋問題,減少新移民,收入追唔上通賬呢d都係要正視既問題！但直到呢一刻，香港既狀態真係叫生於亂世？咁中東受戰火摧毀既國家叫咩？非洲受糧食短缺問題困擾既國家叫咩？有好多人話移民外國好，係咪真係咁好自己諗啦。。。你唔會掛住香港先算啦！
有民主係好事，代表社會會進步！但未有民主選舉既香港係呢一刻絕對唔差！
同埋而家好多未出黎做過野既後生仔成日話要點點點。。。你想問個社會攞野之前，不如問下你俾左d咩野個社會啦！
