《 黃絲為何支持暴力？》
極少有黃絲犯民真心反對暴力。
反對派對暴力嘅睇法，可分兩種：
一種係贊成暴力，一種係縱容暴力。
(一) 贊成暴力
贊成暴力嘅人，認為中共暴力，警察暴力，藍絲暴力，所以佢地贊成以暴易暴。佢地以為，反黃嘅市民，都一定係擁護中共、警察、同藍絲。
其實未必好多市民撐共產黨，撐六七暴動，撐警察暴力，撐藍絲打人；但大部分市民都厭惡一切暴力。
對於政權，大眾市民會選擇接受現實。回歸前，市民都接受英國嘅政權，係咪代表市民都歌頌鴉片戰爭，讚美日不落帝國暴力侵略，並贊成暴力？當然唔係。接受唔一定要擁護，反對唔一定要推翻。但反對派嘅思維係，難以擁護，就要推翻。
幾乎所有政權都係經暴力產生，係咪都要用暴力去推翻？然後他人又再用暴力推翻你，生生不息，係咪就好合理？
認為掟磚放火合理嘅人，係用他人嘅暴力做理由，將自己嘅暴力合理化，其實非常幼稚，除咗要承擔法律後果，最重要係失去道德基礎。
反對派會教子女以暴易暴嗎？小朋友話學校有人蝦佢，你會教佢向老師投訴，定係教佢打返人？社會鼓勵暴力，後果會點？
支持暴力革命，真正原因只為奪權。話係為咗反對暴力政權，只係自欺欺人嘅藉口。用暴力去打倒暴力，係反智。用暴力但打唔倒暴力，係不自量力，更反智。
支持暴力只會越走越偏，比黑社會更可憐。掟磚放火除咗換來幾年監禁之外，可以爭取到乜野？其實想向中共爭取民主，暴力點會有出路？
(二)縱容暴力
以前犯民會講和理非非，但激進派冒起，犯民怕被邊緣化，怕年輕支持者流失，不敢譴責暴力，結果立場曖昧，變成縱容暴力。
旺角暴動，犯民有冇譴責暴徒？有冇叫支持者唔好襲警？有冇支持警方執法？有冇探望受傷警員？立法會動議譴責暴徒，點解冇一個犯民投票支持？由旺暴發生到法庭裁決，黃媒犯民嘅反應係轉移視線，鬧警察，鬧政府，鬧中共，甚至美化暴力。極少見有人譴責暴徒，呼籲人停止暴力。
黃絲犯民鑽入牛角尖，係因為對民主嘅渴望太大，以致希望透過其他人嘅暴力可以得到。佢地嘅矛盾係：表面上唔同意暴力，實際上希望更多人參與暴力，令政府制度改變。其實咁係偽善：唔會畀自己子女坐監，但其他人子女坐監就冇所謂。市民討厭黃絲犯民，正正係呢個原因。
另一個自欺欺人嘅講法係，話暴徒係中共臥底。其實犯民如果真心反對暴力嘅，不論暴徒係咩人，犯民都應該呼籲支持者停止暴力，帶隊離開。當然，犯民絕對唔會咁做，而係樂見其成，希望暴力升級，發生嚴重流血事件就更好。如果黃絲犯民相信暴徒係臥底，就更應譴責暴徒，支持法庭重判，可惜並冇人咁做。
另有一種人會扮中立，認為暴力唔啱，但政府也有不是，與其譴責暴力，不如聽從市民訴求，從而解決社會撕裂。咁不如話，要解決暴力，就應該滿足暴徒嘅要求？咁只係另一種包庇暴力嘅虛偽。想減少撕裂，就要理性溝通；要理性溝通，必先要反對暴力。
(三) 市民反對一切暴力
大眾市民要嘅係安居樂業。你追求嘅，佢地唔覺得吸引；但你用嘅手段，佢地覺得反感。犯民想要市民支持，先要尊重法治，並反對一切暴力。黃絲犯民唔同暴力切割，只會同大眾市民越行越遠，令市民反感，等於自掘墳墓。
再進一步講，其實佔中同拉布都係一種暴力，以傷害民生嚟脅迫政府。犯民為咗同政府鬥爭，縱使傷害市民都唔理，咁做係非常不智，既不能爭取到任何成果，更令犯民失去民心，絕對係損人不利己。最稀奇嘅係，犯民竟然冇一個人有少少政治智慧，明白到犯民嘅危機，仍然對拉布樂此不疲，咁做係等同自殺，親手將市民推向建制派。
犯民同中共較勁，要爭取嘅係民心，特別係沉默大多數嘅民心。真心反對暴力，以理以德服人，方為上策。犯民永遠要求市民滿足佢地嘅需要，從來冇理會市民嘅需要，與民為敵，最終只會自絕於民。
其實咁對社會可能係一件好事。
/https://img.discuss.com.hk/d/attachments/day_240417/20240417_9e9d5ec501dec7cff9d3qCYJza6pRonV.jpg)
好鬼似共黨囗號 
/https://storage.inewsdb.com/93c7dbfe11698c6be10b57dc2d6ddc3e.jpg)
/https://storage.inewsdb.com/79bc9782ff6dc5ab0e8b2315984e9972.jpg)
/https://storage.inewsdb.com/84d0f6ca6a0c0248e212ade249ba1788.jpg)
/https://storage.inewsdb.com/9a0e4190980b958233653ae55ba1b655.jpg)
/https://storage.inewsdb.com/ae3db6a7b0eb58418d736bc4a2765fe1.jpg)
/https://storage.inewsdb.com/b87c99589c050fe00fe378c2cae58e07.jpg)
/https://storage.inewsdb.com/aa2d4cf0e607d5ba2c68b8738578fe8f.jpg)
/https://www.discuss.com.hk/attachments/day_240419/20240419_ca58fa1253e4078cbb30q1RO5IeiO75D.jpeg)
/https://www.discuss.com.hk/attachments/day_240419/20240419_d9443b946caf363d6becycu8hHp2JzCx.jpeg)
/https://www.discuss.com.hk/attachments/day_240418/20240418_25c91ae0c87d9614c092gS8zcFXc6Y6l.png)
/https://image.hkhl.hk/f/1024p0/0x0/100/none/c990dc4f6a348327e21a63c370c87996/2024-04/KakaoTalk_20240418_131822094.jpg)
/https://www.discuss.com.hk/attachments/day_240418/20240418_85fcbc4561458f62adbcBUVNa8UfAPXk.jpeg)
/https://www.discuss.com.hk/attachments/day_240418/20240418_0d436206ecaa2bfcd6feMEaoGLslvYRH.jpeg)
/https://www.discuss.com.hk/attachments/day_240418/20240418_dc77f2f2211dc0594f17cRGRRV3SVV31.jpeg)
