事先聲明,本人係大陸出世,亦都經常中港兩邊走,曾經長期住過喺大陸福建同深圳,所以比較了解國情同熱愛祖國。
遠嘅唔講,就講當年1990年返鄕下一落車,飲左幾啖維他奶,冇胃口所以掉地上,即刻有一班6-7歲小孩沖上前圍住搶,仲即飲,差D打㗎添。相信此情此景今天絶對唔會再發生。
近年好多人都話中國發展得快,中國好有錢,其實係錯覺。最近上網一睇,原來中國人均GDP排名70幾,算係中規中距,但金磚四國當中,係低過俄羅斯,同巴西尼D印象中嘅窮國,甚至連韓國同台灣尼D我地成日恥笑嘅地方都比唔上,更加唔洗講冰島,西班牙,葡萄牙尼D曾經瀕臨破產邊緣地帶。冰島人均GDP目前排全球第10。
或者你會話中國只係改革開放左30幾年,而且增長仲好快,好快會超越歐美國家,冇錯尼個係事實,但係運氣成份好大,而且係全靠鄧小平一個人功勞同埋好嘅制度,如果毛主席長命多十年,我敢寫包單,中國會好似宜家印度咁。印度總GDP差不多全球第三,咁你想做印度人定日本人?
其實有謀D中國人真係好自大,成日串香港冇進步。我想講一個比喻,就好似一個學生年年考第尾(40名),有一次佢突飛猛進考第20名,於是佢就笑D同學(1-19名)點解冇進步?喺咪好可笑?
中國人囗咁多,多有錢佬係好正常。
舉另一個例子,D人成日笑美國負債好高,遲早破產,中國好多存款,好似即係等於一個普通打工仔有100萬存款,冇負債,以為自己好叻,笑9呀李嘉誠負債幾千億,資不抵債遲早破產,你話係咪好搞笑尼?
至於我地印象中點解中國人好似個個咁有錢,有樓有車?冇錯尼個亦係事實,不過只限廣東,浙江,福建尼D沿海省份,淨係北,上,廣深週邊人囗都差不多2億,仲未計重慶,長沙,武漢尼D大城市,內陸其實好多人仲搵緊千幾蚊人工。
我有D朋友喺大陸打份牛工賺幾千蚊,但係有車有樓仲成日過香港買名牌,我問佢點解?佢話炒股賺嘅,其實我知道係佢屋企有錢,即使冇佢地都唔洗比家用,喺香港你試下一個月唔比家用睇下老豆老母唔屌你?
希望中國有朝一日人均GDP去到20-30,到時先有資格笑人。
身為香港人亦不應妄自菲薄,因為香港仍然係富有地方,經濟環境唔會比英國差。