蒙古抗清咁搞笑?
宜家蒙古國得三四百萬人, 可想而知清朝時佢地人口有幾少. 當時佢地係蒙古大汗既外藩, 叫喀爾喀蒙古. 蒙古大汗比滿清打敗左後, 蒙古貴族同滿清結盟(果時明朝未亡), 滿清皇帝做埋蒙古大汗, 去到呢度, 都唔多關喀爾喀蒙古事, 因為佢地係滿清同原蒙古大汗部族兩隻老虎之間, 最多只算係一隻雞, 弱果種, 換大汗咪換, 無意願亦無能力去改變.
後來, 喀爾喀蒙古比西邊既準噶爾蒙古入侵, 打到佢地一仆一碌(都話佢地係弱雞黎), 自己地方比人霸晒, 走佬去清朝地頭求救. 清朝果時康熙做皇帝, 喀爾喀蒙古唔搞事, 你班準噶爾係度搞搞震, 咪決定同準噶爾開大片. 呢場戰爭, 結果清朝打敗準噶爾, 喀爾喀蒙古自己地方失而復得.
戰後, 清朝係喀爾喀蒙古駐軍. 因為準噶爾呢個時候只係輸左一場, 仲好強大. 喀爾喀蒙古始終係元氣大傷, 變成弱雞中既弱雞, 認真係要靠清朝駐軍保護.
拿, 其實蒙古真係抗過清, 問題係, 邊個蒙古先. 清初, 唔同蒙古已經分家幾百年, 已經互相打打殺殺. 等於英國佬德國佬一千年前係一家人, 一戰咪又係打到仆晒街. 偏偏喀爾喀蒙古就係最衰仔, 要靠清朝幫果個, 頂佢你宣傳蒙古抗清, 唔 L 係呀嘛. 如果準噶爾成功"抗清", 佢地祖先喀爾喀蒙古滅族都似.
[ 本帖最後由 wilsonkf 於 2017-6-29 12:24 AM 編輯 ]