- 瀏覽: 3,348
- 回覆: 10
- 追帖: 2
- 分享: 2
Golden Member
- 帖子
- 32680
- 積分
- 30575
- 註冊
- 2009-12-23
|
#1
發表於 2017-6-24 17:19
首先, 講講背景, TSA 並唔係憑空出現. 佢係取代學科測驗. 或者, 繼承學科測驗既功能. 除中一入學前學科測驗仍然保留外, 其他年級學科測驗取消, 由TSA 代替.
TSA 既目的, 係評估一間學校, 學生整體上水平, 同全香港既水平, 有幾大差異. 正式全寫"全港性系統評估", 已經反映左佢既用意.
TSA 同學校校內試分別係, 不同學校教學水平同教學進度係唔一樣, 校內試自然會跟返學校自己既教學調整, 故不同學校之間, 不可能用校內試分數互相比較教學水平. 但 TSA 就可以比較不同學校.
TSA 問題之遠因, 係教育局曾經用 TSA 作為殺校既輔助理據. 教育局殺校主因一定係收生不足. 當某學校抗議時, 教育局話, 貴校除左收生不足, TSA都考得差, 請問點解要保留? 注意, 只要收夠學生, TSA 考得差係唔會成為殺校理據.
收生人數, 係學校既控制範圍以外, 只能盡人事, 聽天命. 但 TSA 唔係. 學校係可以谷. 就算以前收夠學生, 難保將來一定收夠, 自然要搵D 野傍下身. 呢個就係操 TSA 之風大盛既原因之一.
另一個令學校操 TSA 既原因, 係因為 TSA 越出越深. 假設, TSA 考黎考去都係D 基本野, 學校只要跟進度教就無問題, 點解要犠牲教學時間去操? 教好D 學生仲好啦.
TSA 點解會越出越深?
TSA 係一個考試, 咁自然有份考卷. 一份考卷點樣叫做出得好? 出得好既考卷, 係可以將不同能力既考生以分數高低分開. 最簡化既講法, 如果絕大部份學生都考九十幾分, 份卷就出得唔好.
一開始 TSA 係唔難, 當學校開始操, 整體成績咪會升得好快. 然後出卷果個發覺, 咦, 以前咁出已經無法將不同能力既學生分開. 好啦, 我出深D.
但份卷出深左, 學校自然會知道, 佢地雖然無得改返自己學生既卷, 但總會睇到份卷係咪深左. 出深左, 咪更落力去操. 原本唔操既, 份卷越出越深, 深到某個位, 總會開始驚, 就會開始操.
然後惡性循環就形成左.
點解係小三個問題最大? 小六, 就算無 TSA, 為左學校派位好, 都係要操, 家長明白, 學校明白, 為左比較公平既派位制度, 係必要之惡. 中學更加唔洗講, 中三都開始要為文憑試預備, 文憑試咁大座山壓落黎, 多個 TSA 有乜分別?
解決方法? 首先. 最關鍵既問題係, 教育局應唔應該監察學校既教學進度?
如果唔應該, 由得學校自由參與就得, 問題自會解決.
如果教育局應該監察學校既教學進度, 究竟係要求學校只要達到某個標準就可以, 一話要無情淘汰雖然達標, 但係排名差既學校?
如果要求學校達標就可以. 咁份試卷就唔係要分學生既能力高低, 而係分學生達唔達標. 即係就算全世界都九十幾分, 都唔應該加深難度. 呢個, 就係BCA 既由來. 基本能力評估, 只評估基本能力.
但 TSA 先例在前, BCA 是否會考過幾次就搬龍門, 換湯不換藥, 係一個好合理既擔憂, 教育局始終要係實踐中證明龍門唔會搬, 學校唔洗驚. 第一次 BCA, 的確考基本能力, 係一個好開始. 但距離令學校信任, 仍有一段距離.
是否要取消? 呢個問題多少涉及政治, 唔係黃藍絲既 "政治", 而係學校係幾大程度上接受教育局監察既政治.
[ 本帖最後由 wilsonkf 於 2017-6-24 05:38 PM 編輯 ]
|
|
|
|
Golden Member
- 帖子
- 32680
- 積分
- 30575
- 註冊
- 2009-12-23
|
#2
樓主 發表於 2017-6-24 17:32
至於話 TSA 會比壓力學生?
TSA 會比壓力學校. 可能令學校操練學生, 對學生都有壓力. 但並唔係考試壓力.
TSA 個試本身, 第一唔上成績表, 唔影響升留班, 第二, 學校同學生根本唔會知道個別學生考幾分, 確保學校無可能秋後算帳個別學生. 既然考得衰無後果, 甚至無人會知, 連自己都唔知, 咁學生又點會有考試壓力?
[ 本帖最後由 wilsonkf 於 2017-6-24 05:35 PM 編輯 ]
|
|
|
|
VIP
- 帖子
- 5612
- 積分
- 5348
- 註冊
- 2013-8-10
|
#3
發表於 2017-6-24 19:58
引用:原帖由 wilsonkf 於 2017-6-24 05:19 PM 發表 
收生人數, 係學校既控制範圍以外, 只能盡人事, 聽天命. 但 TSA 唔係. 學校係可以谷. 就算以前收夠學生, 難保將來一定收夠, 自然要搵D 野傍下身. 呢個就係操 TSA 之風大盛既原因之一.
另一個令學校操 TSA 既原因, 係因為 TSA 越出越深. 假設, TSA 考黎考去都係D 基本野, 學校只要跟進度教就無問題, 點解要犠牲教學時間去操? 教好D 學生仲好啦.
TSA 點解會越出越深?
TSA 係一個考試, 咁自然有份考卷. 一份考卷點樣叫做出得好? 出得好既考卷, 係可以將不同能力既考生以分數高低分開. 最簡化既講法, 如果絕大部份學生都考九十幾分, 份卷就出得唔好.
一開始 TSA 係唔難, 當學校開始操, 整體成績咪會升得好快. 然後出卷果個發覺, 咦, 以前咁出已經無法將不同能力既學生分開. 好啦, 我出深D.
但份卷出深左, 學校自然會知道, 佢地雖然無得改返自己學生既卷, 但總會睇到份卷係咪深左. 出深左, 咪更落力去操. 原本唔操既, 份卷越出越深, 深到某個位, 總會開始驚, 就會開始操.
然後惡性循環就形成左.
1. 要知道每個階段都有相關的課程，例如初小是有初小的課程。即使TSA都係以課程為基礎而進行評核，其深度的確會有小許調整，但大體上都是以那個階段的課程要求為主。因此深度基本上不會越來越深，除非課程深度調整了，題目才會調整。其實你可以從考評局那裡下載以往10多年的TSA比較一下就會知道。
2. 學校為了達標去操練TSA係一個對評核的誤解，或者學校要讓學生了解TSA的考試方式，而要學生做小部份TSA練習，這才是正常的。但若某些學校為了要TSA達標而放棄日常課程，那就肯定係學校的教育方向上出現問題。TSA考核的內容係以整個階段的課程為基礎，相比起學校校內的考核，會較為容易。學校若能在日常課程中有良好的教學效能，根本就唔需要為了TSA而操練，反而集中操練TSA才是令他們不能達標的主因。
3. 只集中操練TSA，並不能提升應考TSA的達標率，因為TSA題目實際上是較一般學校的校內測考為淺。其實大部份學校都不會刻意為TSA操練，有些名校根本係為升中派位而努力。有些名校甚至將課程教得比一般學校快，我知道某些學校小一入學就要求家長自行搞惦第一個學期的課程，一開學就教下學期的課程，目的唔係為咗TSA，而係為了將來的升中成績。有些學校更為了吸引家長報讀，把部份班級設為英文教學班，目的亦唔係放係TSA上。你都講咗啦，只要升中派位理想，小一收生就唔怕無人報，好多學校都係為升中派位而去催谷啲學生。若然有學校儍到為TSA而操練學生，那明顯說明這間學校的升中派位一定好差，所以捨本逐末去求TSA達標，這是因為TSA達標比提高升中派到好學校更容易得多。
|
|
|
|
VIP
- 帖子
- 5555
- 積分
- 5556
- 註冊
- 2012-2-4
|
#4
發表於 2017-6-24 20:53
引用:原帖由 wilsonkf 於 2017-6-24 05:19 PM 發表
首先, 講講背景, TSA 並唔係憑空出現. 佢係取代學科測驗. 或者, 繼承學科測驗既功能. 除中一入學前學科測驗仍然保留外, 其他年級學科測驗取消, 由TSA 代替.
TSA 既目的, 係評估一間學校, 學生整體上水平, 同全香港 ...
|
|
|
|
高級會員
- 帖子
- 694
- 積分
- 694
- 註冊
- 2015-9-9
|
#5
發表於 2017-6-24 20:55
[按此打開]
[隱藏]
教育下一代最難應是身教，因自己都是過來人，所以我把這個重責交給太太。
|
|
|
|
Golden Member
- 帖子
- 32680
- 積分
- 30575
- 註冊
- 2009-12-23
|
#6
樓主 發表於 2017-6-24 22:56
引用:原帖由 galileo2013 於 2017-6-24 07:58 PM 發表
基本上你有很多地方都講得啱，但上面quote出來的部份就有點不正確。
1. 要知道每個階段都有相關的課程，例如初小是有初小的課程。即使TSA都係以課程為基礎而進行評核，其深度的確會有小許調整，但大體 ...
因為 TSA 完全未經調整既成績係不公開, 我只能推測係因為成績進步, 令份卷深既部份深左, 先繼續發揮到佢將不同能力學生分高既功能.
學校操 TSA 都係額外加操. 暫時都未聽過話犠牲課程去操. 最常見就係做補充練習.
係唔係因為操TSA 類型既題目, 所以成績進步? 好難判斷, 無數據支持, 亦可以因為香港小學教學水平真係進步左, 但又唔係唔關事. 正正因為無法判斷, 所以學校先會比學生做, 做埋無死架係咪. 而且, 操卷係小學既"傳統", 以前學科測驗學能試操左十幾廿年. 四十歲以下既, 不妨回憶下自己小學加埋做左幾多尺高既補充練習.
教育局一直都叫學校唔好操. 但教育局又比唔到信心學校完全唔操都絕對唔會影響學生考試表現, 咁學校無理由同你搏架, 學生多一分就多一分架啦. 而且學校亦可以認為, 如果唔操下去考, 學生可能發揮唔到應有既水平, 咁學校明明教得識學生, 只係因為學生唔熟題目形式而做得差, 咪好唔抵. 其實我都係咁樣認為, 所以先會話, 學校操下, 成績就會升得快.
[ 本帖最後由 wilsonkf 於 2017-6-24 11:04 PM 編輯 ]
|
|
|
|
VIP
- 帖子
- 5612
- 積分
- 5348
- 註冊
- 2013-8-10
|
#7
發表於 2017-6-25 00:43
引用:原帖由 wilsonkf 於 2017-6-24 10:56 PM 發表
小三 TSA 既卷, 我自己感覺, 數學份卷, 淺既題目差唔多, 深既地方真係漸漸深左, 所以先有出卷員將份卷出難左既評語. 佢深當然唔係話小三考小四既野, 而係題目出得習鑽左. 但我無教過小學, 唔知小學老師評價 ...
至於考試題目，相信之前的TVB報導的學生話啲卷好淺，已經證明了BCA較TSA更淺，但其實TSA啲題目亦並不是深，只是現在BCA更淺而已。但BCA淺咗是好事嗎？相信BCA的作用會比TSA低，因為它只能了解基本的能力水平，但在高階能力上的檢視就變得薄弱了。不過即使BCA淺咗，那是不是代表那些原來不達標的學校就可以達標？
|
|
|
|
VIP
- 帖子
- 7126
- 積分
- 6987
- 註冊
- 2014-12-12
|
#8
發表於 2017-6-25 09:21
係教育專業人員帶頭製造噪音
係聖母婊以為逃避競爭壓力
係對小朋友最好嘅時候！
|
|
|
|
Golden Member
- 帖子
- 32680
- 積分
- 30575
- 註冊
- 2009-12-23
|
#9
樓主 發表於 2017-6-25 11:23
其實教師本身都係比較理性, 教協果邊都係. 起碼佢地唔會上演D "大人都唔識做" 既戲碼.
完全否定 TSA 只係外行人既政治語言. 根本唔係基於教學專業下既爭論.
|
|
|
|
Golden Member
- 帖子
- 26504
- 積分
- 26072
- 註冊
- 2009-2-18
|
#10
發表於 2017-6-25 11:57
[按此打開]
[隱藏]
我只表達兩點意見
1)樓主問得好，小學是否需要一個評估學校教學/學生水平既機制?
當然要…
機制(tsa)在執行後出現問題，要做既係修正，而唔係全盤推翻，更唔係用來做打擊政府既工具
2)小學殺校，源於收生不足，小學收生人數主要取決於家長態度，到目前為止，從未聽過因為tsa成績外泄，影響家長收生決定，家長只會從口諀，學校背景，升中派位表現去選擇小學
學校操練tsa 即使提高tsa成績，但不能提高整體教學水平，所以到左升中派位就會打回原形，同樣跌落去被家長睇低>收生不足>殺校…這個過程，所以，殺校與tsa根本冇本質上既關係
|
|
|
|
Golden Member
- 帖子
- 32680
- 積分
- 30575
- 註冊
- 2009-12-23
|
#11
樓主 發表於 2017-6-25 12:28
引用:原帖由 galileo2013 於 2017-6-25 12:43 AM 發表
其實有很多學校係唔會操的，因為他們本身每年都有常規課程的補充練習，而最多係小三以TSA練習來取代常規的補充練習而已。啲人成日話啲學校犧牲正常課程而去操TSA，相信有可能係搞錯咗，因為很 ...
但係亦可以話, 無小三 TSA 可以遲一兩年開始操.
不過亦可以反駁, 前面越快樂, 後面越痛苦, Pre S1 HKAT 邊間小學敢唔操, 有無家長出黎嘈過? 話之佢有無用, 總之做啦, 當係熟悉份卷又好, 做練習又好. 既然無得避, 咁還不如早D 開始操, 將痛苦平均分配.
[ 本帖最後由 wilsonkf 於 2017-6-25 12:35 PM 編輯 ]
|
|
|
|
[按此打開 Google 相符內容]
[按此隱藏 Google 建議的相符內容]
|
|
