呢度啲人好似無睇清楚報導內容就亂插人點解仲要生。
第一點:
全港700幾萬人只得三人,未生之前可能只得1人,應該唔係雙方父母,亦唔係雙方祖父母,如果係就應該報埋出嚟一族人有3位患上啦。成日話人明知有家族遺傳仲要生。我想問吓佢哋點知?上兩代都無,再上曾祖父母嘅咸豐年代有無醫療組織可以驗到?
第二點:
生完第二個,明知有家族遺傳,點解仲要生第三個?有無人睇清楚內文?當時二子「被以為」患上溶血性尿毒症HUS(呢個係非遺傳),及後三子出世將血液寄過外國檢驗先知三子及二子都係非典型溶血尿毒症aHUS(呢個係遺傳)。
第三點:
咁之前「被以為」係點解呀?正常人你同我唔係讀醫嘅點會知HUS & aHUS係乜呀?就算讀過醫,呢類咁希有嘅病,喺未有報紙大事報導前,你問個讀醫嘅都未必知係乜,分分鐘要查吓個名先知係咩病。
所以「被以為」極有可能係醫生話佢知係HUS囉,所以當時都仲未知係遺傳病囉,比人誤導老點囉。未知係遺傳病點解唔生得呀?
人哋依家咁慘,你班友就不繼溪落人,有無人性架?