環保係好, 但執行上未配合就只會帶黎另一個問題!
1. 換部新電器要俾垃圾費, 部電視未壞但我估都差唔多到期啦, 收費限期前會點做, 更係換左佢啦, 可以肯定未減垃圾就已經增加大量垃圾!
2. 好啦! 未收費前家居垃圾肯定大增, 到收費之後第1年個垃圾減排數據一定好靚仔啦, 之後政府就一定話收費係有用!
3. 家居垃圾可唔可以唔用收費袋放入街邊垃圾桶? 係便利店飲完合野要拎返屋企? or買定收費袋先可以放入街邊垃圾桶? 商場又點計? 有人一定會話將垃圾桶個口整細d就可解決, 咁就好啦, 未減排又已經要換過晒全港垃圾桶, 同埋整到幾細先得呢! 同埋回收桶肯定日日都飽死, 但係唔係放得正確就關人啦!
4. 如果唔立例限制街上垃圾桶使用方法, 我肯定會見唔少菲嫞拎住袋垃圾行去唔同街邊垃圾桶棄置; 夜晚個仔女出街跑步就最good啦, 每人拎一袋廚餘出去棄置啦; 個女既男朋友就唔多唔少幫下未來外母, 有車就仲好, 你經過邊到有垃圾桶就放入去啦!
5. 政府控垃圾辦最多咪去屋苑睇下有冇違法, 但係郊外又有幾多人去理, 本身已經大把人係郊外棄置垃圾, 垃圾收費只會令問題更嚴重!
6. 大家可以話一個月~$100又唔係貴, 點會做咁多野去慳, 但唔好意思, 香港人就係咁奇怪, 你同d師奶講1年使多成$1000仲唔同你死過!同埋, 將垃圾分件棄置街上垃圾桶係唔使自己做, 叫姐姐搞掂佢就得!
7. 最後, 我係絕對讚成擴大回收多過收垃圾費, 我唔係介意~$100一個月, 但要明白我唔介意唔等於全香港人唔介意, 成條街垃圾桶都係垃圾最後我有冇得益!