• 瀏覽: 38,531
  • 回覆: 396
  • 追帖: 2
  • 分享: 27
一個警察喺撐警活動上講咗個不恰當比喻,就俾人追殺九條街,一個立法會議員用錯漏百出嘅英文去寫公開信,又會點樣?當然就係俾網民笑到面都黃。「熱血公民」立法會議員鄭松泰(蟲泰)為咗搞大警察比喻失當一事,巧威威咁寫咗封公開信畀德國駐香港總領事館,打香港警察小報告,要求對方回應咁話。不過,有網民細閱蟲泰封信,發現佢英文水平已經唔係一個差字可以形容,短短半頁已經俾人改到花晒,其實德國領館方面睇唔睇得明(㗎)?有網民都不忍直視咁話︰「其實你寫番(返)中文算喇,反正德國駐港領事館點都有人識中文,何苦自曝其短?」

蟲泰前日喺facebook貼咗封公開信出嚟,再自行留言話︰「認真,這個事件的確會引起外交風波,甚至國家安全的,請大家關注。」

「左膠忌」:畀中學生練習校對

你叫得人關注,當然就真係有人好關注啦。「知名左膠」林忌前晚即刻就轉貼咗其中一頁出嚟,不過係改到花晒咁解啫。嗰一頁紙得半頁有字,但係咁就俾人圈咗5個錯出嚟,包括將「gross(莫大的)」串錯做「gloss(光澤)」,動詞「defend(捍衛)」又寫成名詞「defense」等等,真係攞嚟畀中學生用嚟練習proofreading(校對)就啱晒啦。

林忌亦加把嘴話︰「好心啦,香港立法會代表緊香港市民(㗎),又唔係冇讀過書,咁都寄出街真係失禮囉!求其都見到咁多錯,細果(嗰)D(啲)都唔執你囉,單講叫德國政府捍衛『德國國家與人民』?你講緊乜呀?捍衛佢地(哋)點樣殺人?」

網民質疑蟲泰博士學歷

雖然林忌貼封信出嚟時,已經遮咗蟲泰個名,但你行為咁出格,網民當然都係好快知道係蟲泰所為。「Ho Bobo」恥笑道︰「撒嬌撒出禍」,但更多人質疑點解蟲泰咁都會有博士學歷。「Wesley Ho」就問︰「篇博士論文係咪請槍架(㗎)?」「Kin Cheong Wong」就話︰「北大讀,寫中文掛(啩)。」似乎係友好嘅「Víctor Wong」都忍唔住問︰「泰博,認真,係咪無人幫手校對?因為真係有唔少語法錯誤......」

「鄭詩陶」就話︰「其實你寫番(返)中文算喇,反正德國駐港領事館點都有人識中文,何苦自曝其短?」再加上「做議員唔識英文唔係死罪」、「唔識扮識先俾人笑」嘅hashtag(標籤)。「Edwin Fung」則謂︰「咁我明poly(理大)唔續佢(約)的原因了。」

文法錯誤之外,都有唔少人覺得咁樣寫畀德國方面本身就好低能,「Yip Chun Chris Tsang」就話︰「講真,唔理你咩文唔文法問題,本身寫封咁嘅嘢畀德國,都完全唔知你做乜×。」仲問唔通佢想德國話香港警察同佢哋祖先一樣迫害人咩。「Vince Dick Ma」就留言︰「國恥仲要你開口提」、「等於特登打開傷口灑鹽」。

「青症」軍師:學歷「可以買」

網民恥笑紛紛,當然亦都係「青年新政」(青症)軍師林浩基報仇嘅時刻。林浩基即刻加把口話北大博士學歷「可以買」,又翻舊賬話蟲泰「之前仲話要求政府將所有政府認定既(嘅)古蹟列做法定古蹟」、「之前聽講好似仲有一單查都未查就老屈懲教打人」,再加上「做到野(嘢)」、「仲一做就做七樣野(嘢)」嘅hashtag。














個學歷買返嚟?

新聞來源連結:
http://paper.wenweipo.com/2017/02/25/HK1702250018.htm



自暴其短

下次佢寫中文可以搵癲狗幫手,沒有人會懷疑癲狗的文筆水平的



真係柒出國際


垃圾會耳猿


[隱藏]
所以其他大學d學生全部都要考IELTS
公平d



前大學講師!



哈!哈!哈!
病蟲態!



又係啲自己英文唔多掂嘅人笑鳩人哋啲英文。


北大D英文...


[隱藏]



黃絲都覺得丟架


提示: 作者被禁止或刪除 內容自動屏蔽
今時今日真係阿豬阿狗都叫趕屍

[ 本帖最後由 魔童Gphone 於 2017-2-28 12:43 PM 編輯 ]



引用:
原帖由 魔童Gphone 於 2017-2-27 05:03 PM 發表
今時今日真係阿豬阿狗都叫教授
係較受至真



[隱藏]
點解要丟假呀~呀博屎!


鍵盤翻頁
左右
[按此隱藏 Google 建議的相符內容]