• 瀏覽: 2,601
  • 回覆: 68
  • 追帖: 1
香港稅制多為累進稅或劃一稅率,令多賺的錢變成交稅,鼓勵做又三十六唔做又三十六。

建議設立貧窮稅,讓窮人多交稅。富人稅率則調低,從稅制方面打擊懶惰,鼓勵多勞多得。



師兄傔貧富懸殊仲唔夠,睇落去係非常想香港有斷百萬計既暴動啊


引用:
原帖由 DanRicky 於 2017-2-25 05:57 PM 發表
師兄傔貧富懸殊仲唔夠,睇落去係非常想香港有斷百萬計既暴動啊
既然貧富懸殊嚴重,就應鼓勵窮人往上爬。減輕較高收入稅率加一系列鼓勵就業津貼就是制度上鼓勵脫貧至富。
窮人稅低只鼓勵安貧樂道,綜援養懶人就係一例。



引用:
原帖由 qrrsstt 於 2017-2-27 12:07 AM 發表

既然貧富懸殊嚴重,就應鼓勵窮人往上爬。減輕較高收入稅率加一系列鼓勵就業津貼就是制度上鼓勵脫貧至富。
窮人稅低只鼓勵安貧樂道,綜援養懶人就係一例。
其實美國富豪稅率比窮人更低(By合法避稅),但美國貧富懸殊一樣嚴重。



[隱藏]
引用:
原帖由 qrrsstt 於 2017-2-27 00:07 發表

既然貧富懸殊嚴重,就應鼓勵窮人往上爬。減輕較高收入稅率加一系列鼓勵就業津貼就是制度上鼓勵脫貧至富。
窮人稅低只鼓勵安貧樂道,綜援養懶人就係一例。
你要明白,唔係人唔想向上爬。而係社會唔健康,太拜金主義,個個只想做最賺錢既行業!因為奸商不斷提高價格,賺晒人地既錢另人不安先產生咁多社會問題。你講既方法唔係解決社會問題,只係會另貧富問題更+加劇化咋



引用:
原帖由 qrrsstt 於 2017-2-25 05:50 PM 發表
香港稅制多為累進稅或劃一稅率,令多賺的錢變成交稅,鼓勵做又三十六唔做又三十六。

建議設立貧窮稅,讓窮人多交稅。富人稅率則調低,從稅制方面打擊懶惰,鼓勵多勞多得。
師兄睇到你D嘢, 我當堂嚇一跳然後得啖笑。



引用:
原帖由 DanRicky 於 2017-2-27 01:42 AM 發表



你要明白,唔係人唔想向上爬。而係社會唔健康,太拜金主義,個個只想做最賺錢既行業!因為奸商不斷提高價格,賺晒人地既錢另人不安先產生咁多社會問題。你講既方法唔係解決社會問題,只係會另貧富問題更+加劇 ...
我唔同意
我認為, 基於人性, 任何社會之中, 只有約20%左右既人, 係會自發性向上爬, 其他人大部份人, 只會抱"夠食就算, 平平穩穩過一世"呢種心態, 仲有少部份天生廢柴,不提也罷

當社會經濟好(例如80, 90年代), 基本上有手有腳似個人既, 收入都會向上增長, 但咁並不表示佢地發奮向上爬, 只係水漲船高

當社會經濟增速放緩, 甚至見頂時(例如而家), 汰弱留強, 就真係只有那20%人可以向上爬, 其他人就只有埋怨咩"社會唔健康", 搵借口去解釋自己爬不起既原因而已



不用認真
呢個擺明曲線貼啦



引用:
原帖由 伍皓昌 於 2017-2-27 10:32 發表

我唔同意
我認為, 基於人性, 任何社會之中, 只有約20%左右既人, 係會自發性向上爬, 其他人大部份人, 只會抱"夠食就算, 平平穩穩過一世"呢種心態, 仲有少部份天生廢柴,不提也罷

當社會經濟好(例如80, 90年代),  ...
依個唔能夠否認,但佢亦係社會安穩既因素!亦係佢既魅力能夠吸引人既地方。人、社會越進步就應該越向生活品質進展,而唔係變成奴隸為過活日做夜做!咁跟本係違反人性 但社會過份和諧亦唔得,以前大陸果套就真係過份安定如你所講做又三十六唔做又三十六進步唔到啦。所以要... 就好似煮牛扒咁!你太生有血D人未必會受,但太熟就會老變左唔好食!把握個火喉係好緊要 依+個問題:點解咁多人被煽動到?因為社會唔安定冇安全感,所以先併命去搵銀加劇貧富縣殊!但樓主既方法唔係講點舒緩社會問題,而係另貧富更加縣殊!咁只會另矛盾加劇而唔係解決問題嚕


再講,向上爬依樣野只要唔過份係人都想;因為社會壓力、個人既成就感依D都會駒使人向前行;但唔能夠過份壓迫,咁只會帶來討厭同反抗!點解我講規劃型社會... 即依+大陸講規劃社會主義果種概念係好呢 因為佢理應能夠平衡各方面既矛盾使社會和諧共榮 但依+既香港就唔係咁反而走左去極端!D人活得唔開心,為左自己心裡平衡返所以乜都投訴慢慢演變成互相批鬥甚至仇視,先發展成依+咁嚕

[ 本帖最後由 DanRicky 於 2017-2-27 12:05 PM 編輯 ]



[隱藏]
引用:
原帖由 伍皓昌 於 2017-2-27 10:32 AM 發表

我唔同意
我認為, 基於人性, 任何社會之中, 只有約20%左右既人, 係會自發性向上爬, 其他人大部份人, 只會抱"夠食就算, 平平穩穩過一世"呢種心態, 仲有少部份天生廢柴,不提也罷

當社會經濟好(例如80, 90年代),  ...
咁鍾意汰弱留強不如搬去叢林或者中東,大部份人一生既目標就係安安穩穩幸幸福福,依個係一般人既追求,有D人鍾意向上爬,鍾意窮人變中產中產變富豪,依個係佢地既選擇,唔代表其他人有道德義務要向上爬
社會動力從來唔係來自少部份上進人士,而係佔大多數只求安份守己既一般人,社會進步係體現在提昇收入下限而唔係上限

依家香港(仲有歐美)既問題唔係市民唔上進,而係迷信自由市場,比上層1%隨意操控社會,設定遊戲規則,掠奪中下階級
汰弱留強本來就係社會唔健康既象徵,美國就係比班金融佬任玩,咪玩出金融海嘯囉
怪一般人唔上進,只係上層1%用黎轉移視線既籍口,用黎欺騙社會既無恥謊言,一個人只要有穩定工作,根本就唔應該要捱生捱死,辛苦幾十年先可以買樓,組建家庭,過安穩生活,更唔應該要日日膽顫心驚朝不保夕,任何一個有工開既人都唔應該要捱窮



引用:
原帖由 王者的殞落 於 2017-2-27 13:09 發表


咁鍾意汰弱留強不如搬去叢林或者中東,大部份人一生既目標就係安安穩穩幸幸福福,依個係一般人既追求,有D人鍾意向上爬,鍾意窮人變中產中產變富豪,依個係佢地既選擇,唔代表其他人有道德義務要向上爬
社會動力 ...
Agree 師兄講出重點 人天性係追求安舒(當然依個亦唔能夠太過份),但班無恥奸商為左權慾利慾搵借口洗人腦



引用:
原帖由 王者的殞落 於 2017-2-27 01:09 PM 發表
咁鍾意汰弱留強不如搬去叢林或者中東,大部份人一生既目標就係安安穩穩幸幸福福,依個係一般人既追求,有D人鍾意向上爬,鍾意窮人變中產中產變富豪,依個係佢地既選擇,唔代表其他人有道德義務要向上爬
社會動力從來唔係來自少部份上進人士,而係佔大多數只求安份守己既一般人,社會進步係體現在提昇收入下限而唔係上限

依家香港(仲有歐美)既問題唔係市民唔上進,而係迷信自由市場,比上層1%隨意操控社會,設定遊戲規則,掠奪中下階級
汰弱留強本來就係社會唔健康既象徵,美國就係比班金融佬任玩,咪玩出金融海嘯囉
怪一般人唔上進,只係上層1%用黎轉移視線既籍口,用黎欺騙社會既無恥謊言,一個人只要有穩定工作,根本就唔應該要捱生捱死,辛苦幾十年先可以買樓,組建家庭,過安穩生活,更唔應該要日日膽顫心驚朝不保夕,任何一個有工開既人都唔應該要捱窮
首先我只是指出現實, 並非針對"只求安穩"既人, 而事實上, 我本人都係呢類人....我只係指出, 主觀願望與客觀事實既分別

你講既, 我唔反對, 問題係, 只有在社會經濟急速發展既階段, 才會有"水漲船高"呢種效應, 當發展到頂, 已成為發達資本主義形態時, 水 就不會漲, 你要高, 就只能踩住船上既人往上爬

你幾唔中意都好, 但現實就係咁, 我亦睇唔到有咩方法可以解決, 尤其是受制於地方少, 人口多, 無天然資源既香港
就算歐美, 亦睇唔到有咩方法可以解決(北歐例外, 北歐人口少, 國土大資源多, 非香港可以模仿), 透過所謂民主制度求變, 亦見唔到成效, 法國是最住例子, 向富豪加稅, 結果令富豪離開法國, 減少投資, 立法阻止解僱年青人, 結果令更多年青人失業, 因為僱主唔敢請

[ 本帖最後由 伍皓昌 於 2017-2-27 02:50 PM 編輯 ]



引用:
原帖由 伍皓昌 於 2017-2-27 02:49 PM 發表


首先我只是指出現實, 並非針對"只求安穩"既人, 而事實上, 我本人都係呢類人....我只係指出, 主觀願望與客觀事實既分別

你講既, 我唔反對, 問題係, 只有在社會經濟急速發展既階段, 才會有"水漲船高"呢種效應,  ...
「當發展到頂, 已成為發達資本主義形態時, 水就不會漲, 你要高, 就只能踩住船上既人往上爬」
如果所有發達資本主義社會會永遠停滯不前,塊餅唔會再做大,或者你有道理
但現實係現代社會根本唔係一直停滯不前,由全球化到資訊科技革命,塊餅根本係愈黎愈大
美國過去30年GDP幾乎翻左一倍,但一般家庭收入卻停滯不前,計埋通漲分分鐘仲有所倒退
因為增長收入全部去哂有錢人到,尤其是金融界
但唔好以為D錢真係佢地自食其力賺返黎,實際上佢地只係用自己巨大財力影響政府、傳媒、學術界,
建立完全一面倒向自己既規則同政策,然後用鉅額信用卡手續費、掠奪式貸款同欺騙性既金融投機產品,
變相向中小企、一般家庭徵稅同詐騙養飽自己
富豪收入同消費比低於一般家庭,貧富不均唔單止會令經濟疲弱,仲會令經濟不穩定,
有錢人攞住D錢炒高樓市,大量投資金融投機產品,吹出一個又一個泡沫
到泡沫爆破,就逼政府攞錢救市,要納稅人幫佢地買單

金融海嘯前大投行、大銀行推出大量高風險金融投機產品,連有政府保險既商業銀行,都用一般市民既退休金做金融睹博
當金融海嘯發生,佢地全部賭輸哂之後,就要政府用納稅人錢注資救市
救完市之後,居然攞D錢去出花紅,或者高息借返比政府機構
又叫國會裡收左佢地捐款既議員阻止任何規管法案通過,等佢地可以繼續做金融投機
依種公我嬴字你輸既玩法,當然令佢地賺到肚滿腸肥,但受害既卻係整個社會


社會停滯不前唔係因為發展到頂,依係無皇管既有錢人,一邊將經濟成長代哂落袋,
一邊用政客傳媒同學者塑造經濟發展到頂既假象



引用:
原帖由 王者的殞落 於 2017-2-27 04:26 PM 發表
「當發展到頂, 已成為發達資本主義形態時, 水就不會漲, 你要高, 就只能踩住船上既人往上爬」
如果所有發達資本主義社會會永遠停滯不前,塊餅唔會再做大,或者你有道理
但現實係現代社會根本唔係一直停滯不前,由全球化到資訊科技革命,塊餅根本係愈黎愈大
美國過去30年GDP幾乎翻左一倍,但一般家庭收入卻停滯不前,計埋通漲分分鐘仲有所倒退
因為增長收入全部去哂有錢人到,尤其是金融界.......
網友, 全球化冇錯, GDP增加亦冇錯, 問題係, 大部份既人, 尤其是只求安穩既人, 往往就是全球化下最容易被擠落船, 最容易被別人踩住來上位呀....

以前未全球化, 只有本地精英在普通人上面, 而家係世界各地, 包括大陸既精英, 都可隨時來香港同香港人競爭啊!

好簡單, 以前香港揸貨櫃車司機, 4~5萬一個月, 唔通你以為香港人揸車識飛? 而家搵幾多? 司機收入下跌, 咪正正因為全球化(大陸開放都係全球化既一種)

你講金融, 正正因為大陸金融還未完全全球化, 要經香港作為中間平台, 香港還可有得做,...到一日大陸金融真正全球接軌, 香港又食蕉啦

[ 本帖最後由 伍皓昌 於 2017-2-27 05:40 PM 編輯 ]



[隱藏]
我唔喜歡曾俊華,佢嗰句休養生息,係我眼中同坐以待斃根本冇分別!!


鍵盤翻頁
左右
[按此隱藏 Google 建議的相符內容]