首先我事先聲明，
我唔係想推翻任何制度，
我相信香港係一個文明嘅地方，
但估唔到係會有咁黑暗嘅地方存在！
依啲係我個人嘅經歷，
係壁屋嘅日子，亦都係好難捱，
特別係少年倉，
因咩事會係壁屋就唔多講。
入到去第一步係要去指模房，
裏面啲阿Sir會教你點樣報「牌仔」
牌仔係乜嘢嚟？
係你裏面用嘅編號例如：「YR12345」
但無論你點配合，都係要照俾人打，
過完指模房唔好念住完，通常直通車，都係要去裹面既醫院「隔渣」
咩叫做隔渣？
即係要係醫院訓一晚之後帶你去驗尿睇你有無吸食毒品。
係醫院期間我見到對面床位一個十六歲左右既小朋友比阿Sir用警棍打嘅傷痕成隻手都係。唔夠膽出聲。醫院污糟唔再講。
我以為咁樣係最惡劣，原來只係前戲。
直到第二日要落去自己個倉既時候通常係要你背書，背唔到嘅話你就大撚鑊。
監房地好興一樣野叫做「找板」
咩叫做找板？
阿Sir會拎一張膠櫈仔，你隻腳要擺上去，然後佢哋會用一支好撚粗既木棍用力打落黎！點解要打腳板？係為咗唔想俾你家人、太平紳士見到有傷痕。再加上腳板底係最脆弱嘅皮膚或者肌肉，係唔明顯又痛嘅位置。
無論你做過啲乜，只要亞sir唔鍾意都可以找你板，或者落你雞翼。
有人會問點解唔向太平紳士投訴或者搵家人投訴，原因係因為只要一投訴，阿Sir知道咗係你去投訴佢，就好大機會鎖你。
鎖下姐有乜好怕？
當然鎖你期間再去打你係少不免嘅事，最怕嘅事係，有啲阿Sir真係會衰到整爛自己件衣服話你打佢再吹雞黎打你。然後有機會告多你一條罪。
其實講咗咁多，我真係好想壁屋、沙嘴可以唔使咁黑暗，坐監都係人，唔係狗。
/https://img.discuss.com.hk/d/attachments/day_240416/240416_c65b9f2fd11bafe2d6b0g5wfdDSb3SkG.jpg)
