想當年，香港流行曲可以流行至香港以外，香港歌手返內地搵錢，會唱國語歌。港產電影進軍內地，又受內地民眾歡迎；香港品牌進軍內地市塲，又受內地民眾歡迎。香港文化及精神，得以廣傳香港以外，得以影響香港以外！
如今，如果有香港藝人返大陸發展、唱國語歌，立即被所謂本土派罵斥係投共；如果有港產電影進入內地市塲，又立即被所謂本土派罵斥係投共；如果有香港品牌進軍內地市塲，又立即被所謂本土派罵斥係投共。
其中一個例子：鄧Ｘ棋唱國語歌，陳Ｘ霆返內地發展，就被所謂本土派罵斥係投共。除了他們，香港最新個批歌手，邊個會返內地發展、邊個會唱國語歌？
响呢班所謂本土派角度，所有香港野都只可以留在香港，如果唔係就唔尊重本土、係賣港，競爭是不可以的，要本土優先。不過諗深一層，如果香港軟實力不對外發展，只如本土派所願留守香港，故步自封，咁香港對外軟實力咪會萎縮衰落？
[ 本帖最後由 beacon2222 於 2017-2-23 11:40 AM 編輯 ]
