一早覺得香港唯一出路是變大香港 香港食埋深圳 取消深圳特區 將深圳變成香港特別行政區一部分
將深圳的土地 機場 港口 甚至而家越來越厲害的科研工業同人才全部立哂過來據為己有 從此香港唔洗再驚唔夠地起屋 連發展埋本土派最中意的農業 佢地如果要耕田上去耕一樣得 香港內部市場幅員突然暴漲 唔再侷限那區區七百萬而是多埋深圳千幾萬 經濟發展變得更多元化 香港人工作選擇種類更多 可以隨時到深圳返工 做香港所冇的工作
無端端多了個機場 一個繼續做國際綫 深圳寶安則專做國內線 由於兩個機場同屬香港機場管理局管轄 航班空域可以統一安排 香港機場起多條跑道相信空域衝突問題唔係解決唔到 港口一樣 鹽田港變成香港一部分 香港呢方面競爭力可以起死回生
同時港深合併對深圳也有好處 畢竟香港爛船仲有三分釘 由於深圳也實行一個兩制 至少制度上好多方面都會變得比較好 長遠來說深圳市民應該有望一樣像香港那樣可以買到真貨 唔洗下下落香港 (同時上水粉嶺水貨問題一樣會自然消失 或者問題會北上化 變成只是深圳和廣東省連接地區的問題)深圳人也可以申請特區護照 自由免簽證往來世界各地 唔洗像用中國護照般下下要申請簽證
當然兩地合併千頭萬緒 緊係唔係話一晚搞掂 過渡期可以係幾年甚至十幾年 但長遠來說 如果有心做 相信冇野解決唔到
其實當年之所以有深圳就是因為佢鄰近香港 唔理政治上的因素 將深圳俾左香港絕對講得通 而呢個建議最好在當年回歸後幾年提出 當年中央那麼挺香港 未必唔會考慮 可是而家一切已經太遲 首先香港班高尚本土黃絲唔駛講一定反對(連一地兩檢都嘈)以為世界末日 而中央亦唔會放心將深圳放俾香港管 (還是因為政治上的問題)甚至可以預期 恐怕連深圳都開始有其本土意識 自己也羽翼漸豐 見你香港人咁L麻煩 未必願意做香港人 所以香港城邦只能繼續塘水滾塘魚自high 一步步等死好了