• 瀏覽: 785
雖則退出咗青年新政箒,但九龍城區議員鄺葆賢,同啱啱喺九龍西當選立法會議員嘅游蕙禎,依舊係好拍檔,噚日仲相約一齊學整餅,喺屋企下廚輕鬆一番。
葆葆喺instagram上載咗一張相,見佢同游BB攞住盤迷你月餅(圖),好happy喎。八方問過葆葆,佢話係第一次學整月餅,都係上網搜羅食譜,約咗游蕙禎喺屋企試整。其實葆葆閒時都會下廚㗎,八方相信呢盤奶黃月餅,唔會難倒佢囉,但佢好謙虛,話都仲未係ok嘅!
原來佢想下年中秋,可以同街坊一齊整餅,所以今年要先學識,以便明年大派用場,而佢之前都同街坊一齊包過糭㗎!至於同游BB孖住上,皆因大家以前都喺地區上合作,雖則對方當選議員後,會較以前忙碌,但相信兩人喺共同嘅關注議題會繼續拍住上。                                                                                                              





你地唔好日日HI人啦



[按此隱藏 Google 建議的相符內容]