• 瀏覽: 1,515
3月10日晚上,終於排到坐低叫左個幻彩明珠、整返個暖立立的六寶湯丸,整多一個任何季節都想食榴蓮雪山。攬住的大褸,縮埋手腳食糖水,真系唔明點解咁夜都咁多人,雖然大家成日話,沒以前咁好食,就腳都係繼續黎呢度食糖水。深水埗黎黎去去都係得幾間食糖水,幾個朋友有鍾意食新派,都有傳統糖水捧場客。熱熱鬧鬧等緊嘢食,Jamie話,「聽日早的去投埋票就上深圳食海底撈,未試過,點都要體驗下咩係真正的服務。」

「無嘢吖嘛!山長水遠,大陸香港都係要排隊啦,慳返的時間同埋車費啦。」阿Ling話。

「搞錯阿,咁耐都未食過海底撈?」我搖頭

「最近都唔興上深圳揼骨啦,都少上左大陸啦。」Jamie講

Ling,「我唔會投『炎蟲』囉,咁奸,我淨係揀靚仔-鄭泳舜啦。」

「靚仔沒本心啊,而且佢仲有三個仔。」

「Jamie我又唔使同佢過世,本心關我咩事。可以係新聞台多啲見到靚仔,好過成日見啲懶係扮正義嘅『炎蟲』啦。食左咁多年松記,都係有感情,見左靚仔咁耐,梗係投佢啦!」Ling 話。

「我都係投阿鄭,起碼都係深水埗做嘢啊,『炎蟲』呢的選舉賊蟲,都係為左入立法會,可以無恥成咁,自己係功能,又俾DQ左,宜家為攞幾萬蚊收入,可以無恥到走黎深水埗選。」我覺得,女仔邊個唔鍾意靚仔啊,3歲到80歲都係一樣啦。

自從有松記,終於可以滿意到我多種選擇困難症的苦惱,所以成日都係揀「幻彩明珠」就係貪佢一次過食多幾樣嘢。想食涼粉、爆珠,想食什果又想多芒果,仲有雪糕,所以一次過滿足噻。選舉雖然都係咁,要個議員形象好,又想係靚仔,更希望佢係負責任嘅議員,唔好咁奸詐。

無厘啦更「空降」到九西,只係為入立法會,入到去又有幾真心為我地做嘢呢。無係好識政治,但咁明顯嘅偽善,係人都明佢咩企圖啦,都唔明泛民的人點解都要支持佢出選。

好討厭的人成日都係度抹黑對手,有料嘅話,自身魅力就夠人地選佢啦,好似咁多糖水舖,來來去去,當我地想就腳係住區附近找間啱食,都會揀松記。就係佢係深水埗,更因為佢不過不失,總能維持水準,起碼無DQ過啊,起碼唔洗用捐人工買選票啊。鄭泳舜,我係多麼希望你可以當選,因為我想繼續見到『炎蟲』的宣傳品係深水埗飄。



[按此隱藏 Google 建議的相符內容]