• 瀏覽: 25,981
  • 回覆: 6
http://ce2017.appledaily.com.hk/articles/1_56845548高鐵「一地兩檢」可謂國家畀特區政府嘅「硬任務」,料候任特首林鄭月娥7.1上場就要處理呢個燙手山芋。據知林鄭成功邀請律政司司長袁國強「再坐一會」,留任半年完成一地兩檢立法工作,有政界花生友估緊,專責一地兩地嘅運輸及房屋局疑似局長陳帆,會唔會一上場就畀呢件事打冧,成為民望最低嘅局長?情況或一如吳克儉,一單國教風波令佢上任之初已經民望尋底咯。
花生友聽聞,一地兩檢方案已經準備好,決議案或會趕喺7月立法會本年度會期完結前提交立法會,待10月立法會復會後再就立法建議作深入討論,目標係明年初通過。如果呢個如意算盤打得響,袁國強確係半年左右就可以功成身退。
查實袁國強一早打算7.1後重操故業,回歸Temple Chambers。依家搵真銀嘅計劃被迫擱置,仲要負責呢壇吃力不討好嘅立法工作,有花生友話,呢個世界邊會有咁大隻蛤乸隨街跳?可能林鄭提供好大誘因呢,例如將一般問責官員嘅一年「冷河期」縮短?唔知負責審批高官離職後工作嘅「前任行政長官及政治委任官員離職後工作諮詢委員會」,係咪會「網開一面」?
由於涉及內地官員在港執法,花生友聽聞官場已經評估,林鄭依家不俗嘅民望會因此下跌,袁國強亦凶多吉少,但佢搞完就走人,民望幾低都無大問題;反而疑似下任運房局局長陳帆呢,就等同綁咗個計時炸彈上身,未建立民望前已經炸到渣都冇,分分鐘民望又包尾,尤其無咗教育局局長吳克儉墊底。唔知盛傳留任而民望亦長期低迷嘅劉江華,會唔會喺呢方面幫到忙?



提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
[隱藏]



其實什麼民望嘅野,對於啲高官,是心理關口問題,佢過到自己心理關口,就無介意了。錢財與權力甚至昇職與民望無直接影響?

[ 本帖最後由 Edison87 於 2017-8-13 09:54 PM 編輯 ]






[按此隱藏 Google 建議的相符內容]