美國呢次放導彈攻擊嘅,係駐有俄軍嘅基地。美國人話,佢地事先通知咗俄羅斯。
即係話,美國明知嗰個基地俄羅斯有份,都要照炸,最多係叫俄羅斯人離開啫。
俄羅斯人走唔走都好,美國就係炸硬個基地,完全當俄羅斯冇到。
再睇支持美國動武嘅國家當中,有英法德,以色列,沙地,土耳其!
呵呵…俄羅斯咪同土耳其好老友嘅?土耳其居然完全當俄羅斯冇到,連“唔表態”呢個動作都費時做,明剃俄羅斯眼眉去到呢個地步,大家仲覺得俄羅斯仲好硬正?
俄羅斯事後可以做嘅,就只係發下爛渣,佢會唔會同土耳其抹面先?美國炸敘利亞,又唔見俄羅斯幫敘利亞出頭用導彈炸返個以色列嘅空軍基地?
可笑嘅係,俄羅斯俾美國用導彈炸,俾土耳其徹底無視,俄羅斯仲竟然用“59枝導彈6成射失”呢啲無關痛癢嘅細節幫自己擺彩,大家唔覺得可笑咩?
見到有論調話,美國响習特會期間,專登攻擊敘利亞係剃中國眼眉!請大家留意中國外交部嘅回應,係“當前要務係避免局勢惡化”及“反對响敘利亞使用化武”,邊度有對美國攻擊敘利亞嘅事情出過半句聲呢?
中國响敘利亞局勢中係咩態度,仲唔清楚明白?