• 瀏覽: 5,241
  • 回覆: 34
http://youtu.be/cK2PvPLMypM


【本報訊】香港航空客機發生機艙餐飲熱茶燙傷乘客事件,一名女子上月底乘坐港航班機往沖繩時獲空姐送上熱茶,卻疑因機身搖擺倒瀉茶,大腿嚴重燙傷;機上急救用品卻又疑不足,她的傷口最終確認為二級燒傷,更可能留下疤痕。港航雖肯代付醫藥費,但堅持當時熱茶水溫約為60℃乃屬安全,事主對港航說法不滿,要求港航承認責任及降低熱水溫度防意外再發生,「起碼要道歉!」有醫生指機上飲用水若水溫超過55℃,已可能造成燙傷,民航處正調查事件。
記者:金敏琍 周子惇

「好痛好熱好無助!」受傷的葉女士(約60歲),憶起熱水淥腳一刻猶有餘悸,她指3月31日偕家人搭飛機往沖繩,空姐餐後送上熱茶,她把熱茶放在椅背的餐飲小桌上,未料不久機身突搖晃令熱茶倒瀉,淋在她穿牛仔褲的大腿上,雖着牛仔褲仍感灼痛,「我即刻衝去廁所睇,皮膚好紅,我問空中服務員有冇燙火膏,佢話冇,淨係畀包冰我敷傷口!」

促港航道歉改善

葉女士同行妹妹亦質疑港航急救用品不足:「敷冰只能降溫,但機上冇褲換,我惟有問佢攞紗布,希望傷口同條褲可隔一隔,豈料機上連紗布都冇。」葉下機後痛苦未消,診所卻拒為持外國護照的她睇症,後來在港航職員協助下,延至4月2日晚上終獲當地醫院願意治理,但當時紅腫的大腿已有一個約兩吋半大的水泡。醫生檢驗後確定葉女士大腿屬二級燒傷,即表皮嚴重受傷:「醫生驚整穿個水泡後會細菌感染,我晚晚痛到瞓唔到,又怕水泡會穿,好徬徨。」葉女士返港至今雖已半個月,但傷口仍未痊癒兼有大片紅腫,恐留疤痕。
葉女士及女兒郭小姐對港航拒道歉感憤怒,郭稱「港航要還我哋公道同道歉,如果機上水溫過高或者係急救用品不足,應該改囉」。港航發言人指,一直協助葉並已支付她在日本及香港的醫療費,又把葉的女兒及同行者共4人、4月3日回程時的機票升級為商務客位,但強調當日熱茶溫度僅約60℃,適於飲用,又稱機上急救箱有紗布。
整形外科專科醫生金永強看過傷口相片後,認為屬中度二級燒傷,不排除會留疤痕,他指飛機上水溫一般不應超55℃,否則有機會燙傷乘客,機上亦應備有抗生素藥膏給傷者護理傷口。醫學會會長史太祖則指,「唔理熱水溫度幾多,總之乘客俾飛機上熱水整傷,就係有問題啦」。民航處證實港航已通報此事故,處方已要求提供進一步資料了解詳情,又指航空公司有責任確保航機內人員及乘客安全,機艙需配備急救箱,機艙服務員亦須接受急救培訓。
hk.apple.nextmedia.com/news/art/20150418/19116851
錯咪認囉進入香討影片區



醫生驚整穿個水泡後會細菌感染,我晚晚痛到瞓唔到,又怕水泡會穿,好徬徨。

咁小事都徬徨, 真係好笑



提示: 作者被禁止或刪除 內容自動屏蔽
n年前,美國有個顧客阿婆在麥當當,自己倒瀉熱水燙傷都告上法庭,仲攞左一大筆賠償






[隱藏]
「一直協助葉並已支付她在日本及香港的醫療費,又把葉的女兒及同行者共4人、4月3日回程時的機票升級為商務客位,」著數唔嫌多!諗起可能有十幾萬賠償,緊係瞓唔著啦





[ 本帖最後由 卡樂D薯條 於 2015-4-18 04:12 PM 使用http://i.discuss.com.hk/d/images/r10/iphoneD.jpg 編輯 ]



淥親乘客係一件唔好既事啦


飛機上最好取消供應熱飲


淥到起泡又真係幾誇喎,真定假呀?






60℃真係唔會燒傷喎,我個電水煲都係set保溫@60℃,剛好飲落口都得


[隱藏]
燙傷後最佳/正確嘅即時處理方法係涼敷,
再用紗布覆蓋燙傷位置,
而唔係用燙火膏 。

因為唔清楚燙火膏嘅成份,
亦唔知傷者對其成份會否敏感,
可能會留疤,或者引起皮膚過敏,隨時適得其反。






即係水溫唔止60度






正港女,巴巴渣渣,小小事又話要投訴,on9


提示: 作者被禁止或刪除 內容自動屏蔽
Sorry! Lee 個係啊嬋,六十歲已過港女年齡.....極度相信俾港女更煩!






[隱藏]
引用:
原帖由 doctorchen 於 2015-4-18 03:26 PM 發表
http://youtu.be/cK2PvPLMypM


【本報訊】香港航空客機發生機艙餐飲熱茶燙傷乘客事件,一名女子上月底乘坐港航班機往沖繩時獲空姐送上熱茶,卻疑因機身搖擺倒瀉茶,大腿嚴重燙傷;機上急救用品卻又疑不足,她的傷 ...
大家注意安全啦.......



主題標籤 #民航處
鍵盤翻頁
左右
[按此隱藏 Google 建議的相符內容]