陳家洛引述當時情況,稱「我哋都未開聲,梁振英行出嚟就對住我講,話呢個係升五星紅旗嘅地方,你今日出嚟呢度做乜嘢?」,陳家洛即反駁:「我同佢講,我係一個香港人,我對政府有訴求,我同居民一齊嚟行政會議,就係要向特首長官提出訴求」,但指梁振英未有聽他說話即行開,其後再三番四次回頭挑釁他,指:「呢度係中華人民共和國地方,你走嚟做乜嘢?」,最後一次折返時,更向陳家洛說:「嗰邊有個居民,佢攞住支五星旗來我哋呢個地方,陳家洛,你嚟呢度做乜嘢?」,令他覺得梁振英是「無得救」和「痴咗線」,「佢(梁振英)真係早走早著,我哋嚟申述意見,係咪因為我哋政見不同,佢就要偏聽、拒絕聽我哋訴求呢?呢啲咁的人絕對無資格做特首」。
陳家洛批評,梁振英作為一個行政長官和公職人員,見到市民訴求時,第一個決定竟是進行挑釁和製造矛盾,而不是虛心聽市民訴求,「佢(梁振英)成個腦真係染到紅晒,左毒上腦,唔知點解見到我就怒髮衝冠」。
究竟689想表達乜?
PRC地方市民唔準有訴求?
佢被棄卒所以決定盡全力繼續撕裂香港?