查看完整版本: 大陸醫院話媽媽有胰臟癌

lam4262000 2017-11-16 12:50 AM

大陸醫院話媽媽有胰臟癌

事緣我阿媽因為腳痛,去睇醫生,就話係坐骨神經痛,但好過好多物理治療但都冇效,於是佢就返左大6睇醫生,個醫生話佢大比有積水,要做過全身CT,但知報告一出就話我阿媽有[url=http://www.discuss.com.hk/viewthread.php?tid=27003503&extra=page%3D1&tr_h=13801398855a0c6d9bbadf63_04018315]胰臟癌[/url],已經擴散去肝,肺,大比骨,腰,話已經冇得救:smile_42:
咁佢就拎埋份報告就返香港覆疹比醫生睇,但香港醫生就話唔認可佢份大陸報告,要再去仁安照多次全身CT
想問而家大6份報告可否相信?因為佢只係照左,但未抽任何組織化驗

超新手達人 2017-11-16 05:44 AM

可信,講得咁詳細,報告有晒圖,白紙黑字。香港唔認可只係因為制度問題,你外國照都唔認可,都係要係香港照先可以繼續治療程序。約仁安pet-ct 吧。
雖然知你希望聽到“大陸報告不可信”,但我諗你都係快點接受並幫你媽找適當治療,如情況真係去到報告所說擴散咁多處,恐怕亦不樂觀。

超新手達人 2017-11-16 05:47 AM

如果你要追求100%肯定,那就是抽組織。但抽組織通常作腫瘤分類期數或辨別良惡性之用,CT基本上都睇到係咪有不正常增生

buddy-wah 2017-11-16 08:06 AM

這其實是責任問題,香港医生只根據認可機構的報告作診斷,報告錯誤引致医療出錯,可以追究,大陸的無得追,有錯医生自己負擔。

lam4262000 2017-11-16 08:31 AM

11月頭話check到之後,到而家只係去過抽血驗,冇接受過任何治療,因為經濟能力有限,可以搵邊一方面幫助?醫生整係話要再照多次先確定先,咁樣又拖一個星期,會否加劇病情?因為我睇過胰臟癌由發病到死亡係好短時間

超新手達人 2017-11-16 08:57 AM

[quote]原帖由 [i]lam4262000[/i] 於 2017-11-16 08:31 AM 發表 [url=http://www.discuss.com.hk/redirect.php?goto=findpost&pid=470955996&ptid=27061394][img]http://www.discuss.com.hk/images/common/back.gif[/img][/url]
11月頭話check到之後,到而家只係去過抽血驗,冇接受過任何治療,因為經濟能力有限,可以搵邊一方面幫助?醫生整係話要再照多次先確定先,咁樣又拖一個星期,會否加劇病情?因為我睇過胰臟癌由發病到死亡係好短時間 [/quote]

無接受治療是正常的,因為係香港醫院層面,你媽媽尚未確診(要有認可機構的診斷報告),要先確診才有後面的治療程序。

所以,首先、第一、亦應該立刻就做既就係:要求政府醫生或任何診所醫生,寫轉介信比你媽媽去私家醫院約照PET-CT,政府醫院轉介會有折扣,普通診所醫生轉介就不清楚,建議去仁安(應該一星期內實約到期比你),PET-CT大概一萬左右,照全身的,有無擴散、擴散去邊,一目了然,記得開埋醫健通,等政府醫院可以係電腦睇到私醫的報告。

錢方面,PET-CT就唔會有資助啦(政府轉介已經平左),呢個檢查費你點都要籌到返黎,等政府照就死左都未排到期。後續治療(放療、化療、標靶、免疫治療)返政府做,如果仍然未能負擔,找醫院社工查詢,或看看有甚麼癌症基金可申請。

最後一個問題,如果真係咁不幸係原發性胰臟癌,它號稱癌王之王,死亡率很高,亦惡化得很快,所以建議你媽媽盡快確診,再和醫生商量後續治療方案。

85283780 2017-11-16 09:15 AM

這其實是責任問題 x 2, 香港大部份醫生都不會用大陸報告,一來無法保證來源,二來報告用字唔同,醫生不會廢時了解反正你都會尋求第二意見, 其實這也不是壞事

生命麥包 2017-11-16 09:46 AM

[quote]原帖由 [i]buddy-wah[/i] 於 2017-11-16 08:06 AM 發表 [url=http://www.discuss.com.hk/redirect.php?goto=findpost&pid=470955098&ptid=27061394][img]http://www.discuss.com.hk/images/common/back.gif[/img][/url]
這其實是責任問題,香港医生只根據認可機構的報告作診斷,報告錯誤引致医療出錯,可以追究,大陸的無得追,有錯医生自己負擔。 [/quote]
認同buddy-wah 講法,就算香港照既MRI拿到瑞典醫院都係要從照,因任何一方面錯咗,跟著來都會全錯。這是對醫生同病人的責任!

lam4262000 2017-11-16 09:02 PM

請問有冇中醫介紹可以睇到癌症?網上睇浸大中醫好似醫到,但好似預約都要等幾個月

wy020305 2017-11-16 09:59 PM

睇D醫學節目中醫根本連癌呢樣野都冇既佢地會講點樣用黎配合西式治療如果你一心諗住靠中醫黎醫就諗清楚先
同埋大陸既報告你可以參考但要係香港做治療係要全部都照過
佢地唔會用大陸D片幫你治療

[[i] 本帖最後由 wy020305 於 2017-11-16 10:00 PM 編輯 [/i]]

josie725 2017-11-16 11:16 PM

[quote]原帖由 [i]lam4262000[/i] 於 2017-11-16 09:02 PM 發表 [url=http://www.discuss.com.hk/redirect.php?goto=findpost&pid=470994242&ptid=27061394][img]http://www.discuss.com.hk/images/common/back.gif[/img][/url]
請問有冇中醫介紹可以睇到癌症?網上睇浸大中醫好似醫到,但好似預約都要等幾個月 [/quote]
樓主, 強烈建議你盡快帶媽咪去照Pet-CT. 如果資金問題, 可以用政府醫院.

lam4262000 2017-11-17 12:13 PM

已經預約左聽日去仁安照ct,但醫生又要下星期一去政府又照磁力共振,我阿媽已經由初初照x光,再照ct,磁力共振,兩個月內照左6,7次呢d野,其實會否加劇病情

belady 2017-11-17 02:07 PM

如果政府安排咁快做mri偷笑
仲擔心未發生既機會%

[[i] 本帖最後由 belady 於 2017-11-17 03:36 PM 編輯 [/i]]
頁: [1]
查看完整版本: 大陸醫院話媽媽有胰臟癌